އަންހެނުންގެ ފުޓުބޯޅަ ތަރައްގީ ކުރުމަށް އެއް ބިލިއަން ޑޮލަރުގެ ޕްރޮޖެކްޓެއް ފެށުމަށް ހަމަޖެހިފައިވާކަމަށް ޔޫއެފާއިން ހާމަކޮށްފިއެވެ.
އަންހެނުންގެ ފުޓުބޯޅަ އެތައް ހަރުފަތްތަކެއް ކުރިއަށް ޖައްސާލުމަށް ޔޫއެފާއިން ފަށާފައި މިވާ ޕްރޮޖެކްޓާ ބެހޭ ގޮތުން އެ އޯގަނައިޒޭޝަނުން ބުނީ, އަމާޒަކީ ފުޓުބޯޅައަކީ ޔޫރަޕުގެ ހުރިހާ ގައުމުތަކެއްގެ ޒުވާން އަންހެން ކުދިންގެ ޝައުގުވެރިވާ, އެ ކުޅިވަރެއް ކުޅުމަށް ބޭނުންވާ ކުޅިވަރަކަށް ފުޓުބޯޅަ ހެދުމެވެ.
"ޔޫއެފާއިން އަބަދު ވެސް ދާނީ އަންހެނުންގެ ފުޓުބޯޅަ ތަރައްގީ ކުރުމަށް އެތައް މަސައްކަތްތަކެއް ކުރަމުން. ޔޫރަޕުގެ ހުރިހާ ބޮޑެތި ލީގުތަކާއި, ކްލަބުތަކާއި ފެޑެރޭޝަންތަކާ ގުޅިގެން އަންހެނުންގެ ފުޓުބޯޅަ ތަރައްގީ ކުރާނަން ކަމުގެ ޔަގީންކަން ދެން" އަންހެނުންގެ ފުޓުބޯޅަ ތަރައްގީ ކުރުމަށް ޔޫއެފާއިން ފަށާފައިވާ ޕްރޮޖެކްޓާ ބެހޭ ގޮތުން ވާހަކަދައްކަމުން އެ އޯގަނައިޒޭޝަނުގެ އަންހެނުންގެ ފުޓުބޯޅައިގެ ޑިރެކްޓަރު ނަދީން ކެސްލާ ބުންޏެވެ.
ކުރިއަށް އޮތް 6 އަހަރުގެ ތެރޭގައި ޖުމްލަ 1 ބިލިއަން ޑޮލަރު ހަރަދުވާ މި ޕްރޮޖެކްޓުގައި ޔޫއެފާއިން އަމާޒުކުރަނީ އަންހެން ފުޓުބޯޅަ ކުޅުންތެރިން އިތުރުކުރުމުގެ އިތުރުން, ފުޓުބޯޅައިގައި އަންހެން ކޯޗުންނާއި ރެފްރީއިން އުފައްދާ, އެ ފަރާތްތަކުގެ ފެންވަރު އިތުރަށް ހަރުދަނާ ކުރުމެވެ.
