ތަފާތު ދާއިރާތަކުން ގިނަ އަދަދެއްގެ ވަޒީފާތަކެއް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން އިއުލާން ކޮށްފިއެވެ. މި ވަޒީފާތަކަކީ ކުންފުނީގެ އެކި ޑިޕާޓްމަންޓްތަކަށް ބޭނުންވާ މަޤާމުތަކެކެވެ.
އެމްޓީސީސީން ހޯދަން ބޭނުންވާ މަޤާމުތަކުގެ ތެރޭގައި ޕްރޮކިއުމަންޓް އޮފިސަރުންގެ މަޤާމު ހިމެނެއެވެ. އޭގެތެރޭގައި ފޮރިން ޕްރޮކިއުމަންޓް އަދި ކްލައަރެންސްގެ ވަޒީފާގެ ފުރުސަތު ހިމެނެއެވެ. މި މަޤާމަށް ކުރިމަތިލާން ބޭނުންވާ ފަރާތްތަކުން 16 ނޮވެމްބަރ 2024 ގެ ކުރިން އެޕްލިކޭޝަން ހުށަހަޅަން އެމްޓީސީސީއިން ވަނީ އިރުޝާދުދެއްވާފައިއެވެ.
މީގެ އިތުރުން، ކުންފުނީގެ ޝިޕްބިލްޑިންގ އެންޑް ރިޕެއަރ ޑިވިޝަން (އެސްއާރްޑީ) އަށް އިލެކްޓްރީޝަނެއް އަދި ޕްރޮޖެކްޓް ކޯޑިނޭޓަރެއް ހޯދުމަށް ވެސް ވަނީ އިއުލާން ކޮށްފައެވެ. މި މަޤާމުތަކުގެ މަސައްކަތް ކުރަންޖެހޭނީ ކ. ތިލަފުށީގައެވެ. މި މަޤާމުތަކަށް އެޕްލިކޭޝަން ހުށަހެޅުމުގެ ސުންގަޑިއަކީ 14 ނޮވެމްބަރ 2024 އެވެ.
އަދި ހަމަ އެހެންމެ، ކުންފުނީގެ ޑްރެޖިންގ ޕްރޮޖެކްޓްސް ޑިވިޝަން (ޑީޕީޑީ) އަށް އޭބަލް ސީފެއަރަރ އިންޖީނެއް ހޯދުމަށް ވެސް ވަނީ އިއުލާން ކޮށްފައެވެ. މި މަޤާމުގެ މަސައްކަތް ކުރަންޖެހޭނީ މަހާ ޖައްރާފުގައެވެ. މި މަޤާމަށް އެޕްލިކޭޝަން ހުށަހެޅުމުގެ ސުންގަޑިއަކީ 18 ނޮވެމްބަރ 2024 އެވެ.
މި ވަޒީފާތަކާ ބެހޭ އިތުރު މައުލޫމާތު ހޯދުމަށާއި އެޕްލިކޭޝަން ހުށަހެޅުމަށް ޝައުގުވެރިވާ ފަރާތްތަކަށް އެމްޓީސީސީގެ ރަސްމީ ވެބްސައިޓް mtcc.mv/careers އަށް ޒިޔާރަތްކޮށްލުމަށް އެކުންފުނިން ވަނީ އަންގަވާފައެވެ.
