މިދިޔަ ބުރާސްފަތި ދުވަހު ހެނދުނު، މޯލްޑިވްސް އިމިގްރޭޝަނުން ހިންގި ހާއްސަ ރެއިޑް އޮޕަރޭޝަނެއްގައި 33 ބިދޭސީން ވަނީ އިމިގްރޭޝަނުގެ ބެލުމުގެ ދަށަށް ގެންގޮސްފައެވެ.
އެ އިދާރާއިން މި ކަން ހާމަ ކޮށްފައިވާނީ ރޭ "އެކްސް" ގައި ކުރި ޕޯސްޓެއްގައެވެ.
އެ ޕޯސްޓްގައި އިމިގްރޭޝަނުން ބުނެފައިވަނީ އެ އޮޕަރޭޝަންގައި އެ އިދާރައިގެ 28 އޮފިސަރުންނާއި ފުލުހުންގެ 35 އޮފިސަރުން ބައިވެރިވެ، 257 ބިދޭސީން ޗެކުކުރިކަމަށެވެ.
އަދި އޭގެ ތެރެއިން 33 ބިދޭސީންނަކީ ސައްހަ ވިސާއެއް ނެތި އުޅެމުންދިޔަ މީހުންނެވެ. އަދި 22 ފަރާތަކަށް ވަނީ ލިޔުމުން ނޯޓިސް ދީފައިވާ ކަމަށްވެސް ބުނެފައިވެއެވެ.
މިހާތަނަށް ރާއްޖެއިން ވަނީ 5،000 އަށްވުރެ ގިނަ ބިދޭސީން ޑިޕޯޓުކޮށްފައިވާ ކަމަށް މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ އަލީ އިހުސާންވެސް ވިދާޅުވެފައިވެއެވެ. އޭގެ ތެރޭގައި ހިމެނެނީ ސައްހަ ވިސާ ނެތި އުޅެމުންދިޔަ މީހުންނާއި މަސްތުވާތަކެތި، ވައްކަން އަދި ހަށިވިއްކުން ފަދަ ކުށްތަކަށް އަރައިގަތް ބިދޭސީންނެވެ.
