ޑްރަގް ވިޔަފާރި ކުރި މީހަކަށް ސިންގަޕޫރުން މަރުގެ އަދަބު ދީފިއެވެ.
ޑްރަގުގެ މައްސަލާގައި ސިންގަޕޫރުން އިއްޔެ ދަންޖައްސައި މަރުގެ އަބަދު ތަންފީޒު ކޮށްފައި ވަނީ އުމުރުން 55 އަހަރުގެ ރޮސްމާން އަބްދުﷲ ނަމަކަށް ކިޔާ މީހަކަށެވެ.
މިއީ މިއަހަރު ސިންގަޕޫރުން މަރުގެ އަދަބު ދިން 8 ވަނަ މީހާއެވެ. މީގެ ތެރެއިން 7 މީހުންނަށް މަރުގެ އަދަބު ދީފައި ވަނީ ޑްރަގުގެ މައްސަލަތަކުގައެވެ. ދެން މަރުގެ އަދަބު ތަންފީޒު ކޮށްފައި ވަނީ މީހަކު މަރާލިކަން ސާބިތުވި މީހެއްގެ މައްޗަށެވެ.
ސިންގަޕޫރުން މިފަހަރު ޑްރަގް ޑީލަރަކު ދަންޖައްސާފައި މިވަނީ، ދަން ޖެއްސުމުގެ އަދަބު ތަންފީޒު ނުކުރުމަށް އދ.އިން ސިންގަޕޫރަށް ވަރަށް ބޮޑަށް ބާރު އަޅަމުންދާ ދަނޑިވަޅެއްގައިކަން ފާހަގަ ކޮށްލެެވެއެވެ.
ކުށްތަކަށް ހަރުކަށި އަދަބުދޭ، ސިންގަޕޫރަކީ ދުނިޔޭގައި އޮތް ރައްކާތެރި ގައުމުތަކުގެ ތެރޭގައި ކޮންމެ އަހަރަކު ރޭންކް ކުރެވޭ ގައުމެކެވެ.
