ޚުއްރަމް ޑިސްޓްރިކްޓްގައި މިއަދު އަނެއްކާ 18 މީހުން މަރާލުމުގެ ސަބަބުން ހަނގުރާމަކުރަމުންދާ ގަބީލާތަކުގެ މެދުގައި ބިމުގެ މައްސަލަތައް ހައްލުކުރުމަށް ޚައިބަރު ޕަޚްތުންޚްވާ ސަރުކާރުން މަތީ ފެންވަރުގެ ކޮމިޝަނެއް އެކުލަވާލައިފިއެވެ.
މިއަދު 18 މީޙުން މަރާލައި 30 މީހުން ޒަޚަމް ކޮށްފައި ވަނީ، ޚުއްރަމް ޑިސްޓްރިކްޓްގައި ސުލްހަ ގާއިމް ކުރުމަށް ބޭއްވި ގަބީލާ ބޮޑުންގެ ޖިރްގާ ބައްދަލުވުމަށް ފަހުއެވެ.
ބުރާސްފަތި ދުވަހު ދިން ހަމަލާގައި 43 މަރުވެ 16މީހުން ޒަޚަމްވެފައި ވެއެވެ.
މިއީ އަފްޣާނިސްތާން ސަރަހައްދާ ކައިރީގައި އޮންނަ ސުންނީ ޝީޢީންގެ މަޛުހަބީ މައްސަލަ ބޮޑު ސަރަހައްދެކެވެ.
އެ ސަރަހައްދުގެ ސަލާމަތީ ހާލަތު ރަނގަޅު ކުރުމަށް ޚައިބަރު ސަރުކާރުން ފޮނުވި މަތީ ފެންވަރުގެ ވަފްދުގައި ޕްރޮވިންސް ސަރުކާރުގެ ލޯ މިނިސްޓަރާއި ޚައިބަރުގެ ޗީފް ސެކްރެޓަރީ އާއި ޑިސްޓްރިކްޓް ކޮމިޝަނަރު އަދި ޑެޕިއުޓީ އިންސްޕެކްޓަރު ޖެނެރަލް އޮފް ޕޮލިސް އާއި އެހެނިހެން މަތީ ފެންވަރުގެ ބޭފުޅުން ހިމެނެ އެވެ.
