އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާއި ކުރީގެ ޑިފެންސް މިނިސްޓަރު ޔޯއަވް ގަލަންޓް ހައްޔަރު ކުރުމަށް އިންޓަނޭޝަނަލް ކްރިމިނަލް ކޯޓުން ނެރުނު އަމުރަށް އިންޑޮނޭޝިއާ އިން މަރުހަބާ ކިޔައިފިއެވެ.
އިންޑޮނޭޝިއާގެ ފޮރިން މިނިސްޓްރީން ނެރުނު ބަޔާނެއްގައި ވަނީ އައިސީސީ އިން ނެރެފައިވާ އަމުރު އިންޑޮނޭޝިއާއިން ތަންފީޒު ކުރާނެ ކަމަށެވެ.
"ބެންޖަމިން ނަތަންޔާހޫ އާއި ޔޯއަވް ގަލަންޓް ހައްޔަރު ކުރުމުގެ އަމުރު އައިސީސީން ނެރުމަކީ ފަލަސްތީނުގައި އިންސާނިއްޔަތާ ދެކޮޅަށް ހިންގާ ޖަރީމާތަކާއި ހަނގުރާމައިގެ ޖަރީމާތަކަށް އިންސާފު ހޯދުމަށް އެޅޭ މުހިންމު ފިޔަވަޅެއް،" އިންޑޮނޭޝިއާގެ ފޮރިން މިނިސްޓްރީގެ ބަޔާނުގައިވެ އެވެ.
