ޒަޔަނިސްޓު ޔަހޫދުންގެ މީޑިއާއިން ބުނަނީ ބޮޑުވަޒީރު ނަތަންޔާހޫ އާއި ކުރީގެ ޑިފެންސް މިނިސްޓަރު ޔޯވް ގަލަންޓް ހައްޔަރު ކުރަން އިންޓަރނޭޝަނަލް ކްރިމިނަލް ކޯޓުން އަމުރެއް ނެރުމުން ޒަޔަނިސްޓު އިޒްރޭލަށް ޔޫރަޕުން ހަތިޔާރު ވިއްކުމަށް ޖެހިލުންވާނެ ކަމަށެވެ.
"ޣައްޒާގައި އިސްރާއީލުން ހަނގުރާމައިގެ ޖަރީމާތައް ހިންގާ ކަމަށް ބުނާ މީހުންގެ ވާހަކައަށް ބުރަދަނެއް ލިބިގެންދާނެ... އަދި އެއާއެކު ޑިޕްލޮމެޓިކް ގުޅުން ކަނޑާލުމަށް ގޮވާލާ މީހުންނަށް ހިތް ވަރަކަށްވާނެ. އަދި ހަތިޔާރު ވިއްކުން މަނާ ކުރުމަށްވެސް ބާރު އަޅާނެ" ޔަހޫދުންގެ މީޑިއާއިން ބުންޏެވެ.
ޔަހޫދުންގެ ސިފައިންނާ ދެކޮޅަށްވެސް އަމުރުތައް ނެރެން ފަށާނެ ކަމުގެ ބިރު ހީވެފައި ވެއެވެ. އަލްޖަޒީރާ އިން ވަނީ ޔަހޫދީ ޓެރަރިސްޓު ޒަޔަނިސްޓު މުޖުރިމުންގެ ޖަރީމާތަކާއި ނަމާއި މަގާމާއެކު ޑޭޓާބޭސްއެއްގައި މައުލޫމާތު ރައްކާކޮށްފައެވެ.
