އިންޑިއާގެ އޮންލައިން ޕޭމެންޓް ހެދުމުގެ ވިޔަފާރީގައި އުޅޭ، ޕޭޓީއެމްއިން ވަނީ އިންޑިއާގެ ޔުނިފައިޑް ޕޭމަންޓް އިންޓަފޭސް (ޔޫޕީއައި) އިން ބައިނަލްއަގްވާމީ އެކި ތަންތަނުގައި ފައިސާ ދެއްކޭނެ ގޮތް ހަމަޖައްސައިފަ އެވެ.
އިންޑިއާގެ ޔޫޕީއައިއަކީ ވިސާ ނޫނީ އެމެރިކަން އެކްސްޕްރެސް އާ އެއްގޮތަށް ޚިދުމަތް ދިނުމަށް އުފައްދާފައިޥާ އިންޑިއާގެ އަމިއްލަ ޕޭމެންޓްގެ ނިޒާމެކެވެ.
އިންޑިއާގެ ޓޫރިސްޓުންނަށް މިހާރު ޕޭޓީއެމް އެޕް ބޭނުން ކޮށްގެން ބޭރުގައި ޝޮޕިންގްއާއި ޑައިނިންއާއި އަދި އެހެނިހެން ޚިދުމަތްތައް ހޯދުމަށް ފަސޭހައިން ފައިސާ ދެއްކޭނެއެވެ.
ބޭރަށް ދަތުރު ކުރާ މީހުން އަތުން ޑޮލަރު ހިފައިގެން ދަތުރުކުރުމުގެ ބަދަލުގައި، 1 ދުވަހާއި 90 ދުވަހާއި ދެމެދު ގައުމުން ބޭރުގައި ޕޭޓީއެމް ބޭނުން ކުރެވޭ ގޮތް އެޕްމެދުވެރިކޮށް ހެދޭނެއެވެ. އަދި ބޭނުން އިރަކު ބޭރަށް ފައިސާ ދެއްކުން ޑިސްއޭބަލް ކޮށްލެވޭނެއެވެ. އަދި ފައިސާ ދައްކާ ކޮންމެ އިރަކު، އެވަގުތު އެކްސްޗޭންޖު ރޭޓް ހުންނަ ގޮތް ވެސް ބަލާލެވޭނެ އެވެ.
މިހާރު އިންޑިއާގެ ޔޫޕީއައި ބޭނުންކޮށްގެން ފަތުރުވެރިންނަށް ޔޫއޭއީ، ސިންގަޕޫރު، ފްރާންސް، މޮރިޝަސް، ބޫޓާން، އަދި ނޭޕާލް ސްރީލަންކާ ގައި ކޭޝްލެސް ޕޭމަންޓް ހެދޭނެއެވެ.
