ދުނިޔޭގެ އެންމެ މުއްސަނދި ރޮޗައިލްޑް އާއިލާގެ މުއްސަނދިކަން 15.7 ޓްރިލިއަން ސްޓާލިންގ ޕައުންޑަށް އަރާނެ ކަމަށް ލަފާކުރެވެ އެވެ. ދިވެހި ފައިސާއިން ބަލާނަމަ އެއީ، 315 ޓްރިލިއަން ރުފިޔާއެވެ. މާނައަކީ، މިއަންނަ އަހަރަށް ފާސްކޮށްފައިވާ ބަޖެޓަށް އަންދާސާކޮށްލާނެ ނަމަ އެ ފައިސާއަކީ ރާއްޖޭގެ 5555 (ފަސްހާސް ފައްސަތޭކަ ފަންސާސް ފަސް) އަހަރުގެ ބަޖެޓަށް ފުދޭ ވަރުގެ ފައިސާއެކެވެ.
ދުނިޔޭގެ އެންމެ މުއްސަނދި ޔަހޫދީ އާއިލާގެ މެމްބަރަކު އޭނާގެ ކެލިފޯނިއާގެ ގެއެއްގައި އަލިފާނުގައި އިއްޔެ ފިހިގެން މަރުވެއްޖެއެވެ. ހޮލީވުޑް ހިލްސްގައި ހިނގި އަލިފާންގަނޑު ނިއްވާލުމަށްފަހު ފަޔާ ފައިޓަރުންނަށް ފެނުނީ ގޭތެރޭގައި މަރުވެފައި އޮތް މީހެކެވެ. ރޮޗައިލްޑް އާއިލާގެ އެމީހާ މަރުވި ސަބަބު ހޯދުމުގެ މަސައްކަތް ދަނީ ކުރަމުންނެވެ.
އަވަށްޓެރިން ވަނީ ލޯކަލް މީޑިއާއަށް ބުނެފައި އޭނާ އަކީ ދުނިޔޭގެ ބެންކުތައް ކޮންޓްރޯލު ކުރާ މަޝްހޫރު ރޮޗައިލްޑް ބޭންކިން އާއިލާގެ މެމްބަރެއް ކަމަށެވެ. އޭނާ އަކީ މީޑިއާއާ ދުރުގައި އެމެރިކާގައި އެކަހެރި ދިރިއުޅުމެއް އުޅުނު ސިއްރު ރޮޗައިލްޑް އާއިލާގެ މީހުންގެ ތެރޭން އެކަކެވެ. މިމީހާއަކީ ފިރިހެނެކެވެ. އޭނާގެ ހަށިގަނޑު ފެނުނީ އެގޭގެ ފުރަތަމަ ފަންގިފިލާއިން ނެވެ.
ރޮޗައިލްޑް އާއިލާގެ އެންމެ ބޮޑު މީހާ ލޯޑް ޖެކޮބް މަރުވީ 87 އަހަރުގައި މިއަހަރުގެ ކުރީކޮޅުއެވެ. އޭނާއަކީ ޔަހޫދީން ފަލަސްޠީނުގައި ވަޒަންވެރި ކުރުމަށްޓަކައި އިނިގރޭސި މަސްއޫލުވެރިންނަށް ފައިސާދީގެން އެކަން ކުރުމުގެ އަޑީގައި ހުރި މީހާއެވެ. އޭނާ އެވާހަކަ އަމިއްލައަށް މީޑިއާއަށް ކިޔައިދީފައި ވެއެވެ.
ރޮޗައިލްޑް އާއިލާއިން ޔަހޫދީ ޒަޔަނިސްޓުންގެ ކަންކަމަށް ބޮޑެތި އަދަދުން ފައިސާ ހޭދަ ކުރެއެވެ.
