ހިފާފައިވާ ފަލަސްޠީނުގައި އިންދާފައިވާ ޒަޔަނިސްޓުންގެ ދައުލަތަށް އެފް 35 މަރުކާގެ ބޯޓުގެ ސްޕެއަރ އެކްސްޕޯޓު ނުކުރުމަށް ހޮލެންޑްގެ ބޮޑު ކޯޓުން އަންގައިފިއެވެ.
މިމައްސަލައަކީ، ފެބްރުއަރީ މަހު، ނެދަރލެންޑްސްގެ ދަށު ކޯޓަކުން އިޒްރޭލަށް އެފް35ގެ ސްޕެއަރ ނުވިއްކުމަށް ކުރި އަމުރު އިސްތިއުނާފު ކުރުމުން ކޮށްފައިވާ ޙުކުމެކެވެ. ދަށު ކޯޓުން ބުނެފައި ވަނީ ނަސްލު ނައްތާލުމަށް ޒަޔަނިސްޓު ލަޝްކަރުން އެ ތަކެތި ބޭނުން ކުރުމުގެ ފުރުސަތު އޮތް ކަމަށެވެ.
އިސްތިއުނާފަށް ރައްދު ދެމުން ސުޕްރީމް ކޯޓުން ކުރި ހުކުމްގައިވެސް ބުނފައި ވަނީ ދަށު ކޯޓުން ބުނެފައިވާ ވާހަކައަކީ ރަނގަޅު ވާހަކައެއް ކަމަށާއި އެހުކުމް އެ ގޮތަށް ދަމަހައްޓަން ނިންމާ ކަމަށެވެ.
