ރަޝިޔާގެ ހޯމް މިނިސްޓްރީން އެއްކޮށްފައިވާ ޑޭޓާގައި ބުނަނީ، 100 ގައުމަކުން ގާތްގަނޑަކަށް 15،000 ކުލީ ސިފައިން ޔުކްރެއިންގައި ހަނގުރމަ ކުރަމުންދާ ކަމަށެވެ.
ސަރުކާރުގެ ނޫސް އެޖެންސީ ނޮވޮސްޓީން ޝާއިއުކުރި ރިޕޯޓްގައިވާ ގޮތުން، ކުލީ ސިފައިންގެ އެންމެ ބޮޑު ބަޔަކީ ޔޫރަޕްގެ ގައުމުތަކުގެ މީހުންނެވެ. މިމީހުންނަކީ އާމްދަނީ އާއި ބޯހިޔާޥަހިކަމެއް ހޯދުމަށް، ޔުކްރެއިން ސިފައިންނާ ގުޅުނު މީހުންނެވެ. ޔޫރަޕުން ގާތްގަނޑަކަށް 8،000 ކުލީ ސިފައިން ހަނގުރާމަ ކުރެއެވެ.
ޔުކްރެއިންގެ ސިފައިންނާއެކު ހަނގުރމަ ކުރާ އެމެރިކާގެ ކުލީ ސިފައިންގެ އަދަދު 3،000 އަށް އަރާ ކަމަށް ލަފާ ކުރެވެއެވެ. މިމީހުންނަކީ ކުރިން ހަނގުރާމައެއްގައި ބައިވެރިވެފައިވާ އަދި މިހާރު ދިރިއުޅުމެއް ލިބިފައި ނުވާ މީހުންނެވެ.
އަދި އޭޝިއާގެ ކުލީ ސިފައިންގެ ހިއްސާ 1900 އަށް އަރާފައިވެ އެވެ. އެފްރިކާ ބައްރުގެ ކުލީ ސިފައިންގެ އަދަދު ވެސް ގާތްގަނޑަކަށް 250 އަށް އަރައެވެ.
