ދެކުނު ޗައިނާ ކަނޑުގައި އޮންނަ ފިލިޕިންސްގެ މުހިއްމު ޖަޒީރާއެއް ކަމަށްވާ ޗައިނާއިން ވާދަކުރާ ތީޓޫ ޖަޒީރާ ކައިރީގައި ޗައިނާގެ މަދަނީ އުޅަނދުތައް އެއްވަމުންދާ ކަމަށް ބުރާސްފަތި ދުވަހު ރޮއިޓާސްއަށް ލިބުނު ސެޓެލައިޓް ފޮޓޯތަކުން ފެނެއެވެ. ރޮއިޓާސްއާ ވާހަކަ ދައްކަމުން ފިލިޕީންސްގެ ކަނޑުގެ ސިފައިންގެ އިސް އޮފިސަރަކު ވިދާޅުވީ އެއީ "ހާސްކުރުވަނިވި ކަމެއް ނޫން" ކަމަށެވެ.
މެކްސާ ޓެކްނޮލޮޖީސް އިން ނަގާފައިވާ އަދި މީޑިއާއިން ދިރާސާކޮށްފައވާ އެއް ފޮޓޯއިން ފެންނަނީ ޗައިނާގެ ގާތްގަނޑަކަށް 60 އުޅަނދު ތީޓޫ އާއި 2 ނޯޓިކަލް މޭލު ދުރުގައި ހަރަކާތްތެރިވި ކަމަށެވެ.
މި ޖަޒީރާއަކީ ޗެކުނު ޗައިނާ ކަނޑަށް އެންމެ ބޭރަށް އޮންނަ ފިލިޕީންސްގެ ހިކިފަސް ބިމެވެ. މިތަނުން ދެކުނު ޗައިނާ ކަނޑުގައި ޗައިނާގެ މަނަވަރުތައް ހަރަކާތްތެރިވުމަށް ފިލިޕީންސުން ފާރަލައި ހަދައެވެ.
ފިލިޕީންސްގެ ހުޅަނގު ކޮމާންޑްގެ އިސްވެރިޔާ ވައިސް އެޑްމިރަލް އަލްފޮންސޯ ޓޮރޭސް ވިދާޅުވީ ޗައިނާގެ މިލީޝިއާ ފުޅަނދުތައް އާންމު ކޮށް މި މޫސުމުގައި އެ ސަރަހައްދަށް އެއްވުމަކީ އާންމު ކަމެއް ކަމަށެވެ.
