އިންޓަރކޮންޓިނެންޓަލް ކަޕް ފައިނަލުގައި ވާދަކުރުމަށް ރެއާލް މެޑްރިޑް ގަތަރަށް ދާނީ އަނިޔާގައި ހުރި ފޯވާޑް ކިލިއަން އެމްބައްޕޭ ގޮވައިގެން ކަމަށް ކޯޗް ކާލޯ އެންޗަލޮއްޓީ ބުނެފިއެވެ.
އެމްބައްޕޭއަށް އަަނިޔާވީ މިދިޔަ ހަފްތާގައި ސްޕެނިޝް ލީގުގައި ކުޅެނިކޮށެވެ. އަންޗެލޮއްޓީ ބުނީ އެމްބައްޕޭގެ ފަލަމަސްގަނޑަށް ލިބުނު އަނިޔާ ސީރިއަސް ނޫން ކަމަށެވެ. އެކަމަކު ލީގުގައި މިރޭ ރަޔޯ ވަޔަކާނޯއާ ދެކޮޅަށް އެމްބައްޕޭގެ ބޭނުން ނުހިފާނެ ކަމަށް އަންޗެލޮއްޓީ ބުންޏެވެ.
އިންޓަކޮންޓިނެންޓަލް ކަޕް ނުވަތަ ކްލަބް ވަރލްޑް ކަޕް ފައިނަލް ކުޅުމަށް ހަމަޖެހިފައި ވަނީ މިމަހުގެ 18 ވަނަ ދުވަހުއެވެ. ފައިނަލުގައި ރެއާލް ބައްދަލު ކުރާނީ މެކްސިކޯގެ ޕަޗޫކާ އާއި މިސްރުގެ އަލް އަހްލީ ބައްދަލުކޮށް މޮޅުވާ ޓީމަކާއެވެ.
