ސަރުކާރުގެ 3 މިނިސްޓްރީއެއް ކަމުގައިވާ، ހައުސިން ، އެންވަޔަރަންމަންޓް، ކޮންސްޓްރަކްޝަން މިނިސްޓްރީގައި އަލިފާނުގެ ހާދިސާއެއް ހިނގާ، ޢިމާރާތްތަށް ބިމާ ހަމަވުމާއި ގުޅިގެން، އެ މިނިސްޓްރީތަށް ހިންގުމަށް ދަރުބާރުގެޔަށް ބަދަލުކުރެއްވުމަށް ރައީސުލްޖުމްހޫރިއްޔާ ވަނީ ނިންމަވާފައެވެ.
ރައީސުލްޖުމްހޫރިއްޔާގެ މި ނިންމެވުމާއި ގުޅިގެން، ސްޓެލްކޯގެ ގިނަ މުވައްޒަފުންތަކެއްވަނީ، އެމަސައްކަތްތަކުގައި ބައިވެރިވެ ގިނަ މަސައްކަތްތަކެއް ކުރައްވާފައެވެ. މި މަސައްކަތް ކުރުމުގައި ސްޓެލްކޯގެ މުވައްޒަފުން ކުރި ބުރަމަސައްކަތާއި، މުރާލިކަމަށް އަދި ދެއްކި މަސައްކަތުގެ އަޚުލާގު ފާހަގަކޮށް ސްޓެލްކޯގެ އެމްޑީ ފަހުމީ ވަނީ އެމުވައްޒަފުންނަށް ޝުކުރު އަދާ ކޮށްފައެވެ.
ގައުމަށް ދިމާވާ މިފަދަ ކަންކަމުގައި، އަބަދުވެސް ސްޓެލްކޯ މުވައްޒަފުން ދައްކަމުންގެންދާ މަސައްކަތުގެ ނަމޫނާއަށް ފހުމީ އަބަދުވެސް ފަޚުރުވެރިވެ އެކަން ފާހަގަ ކުރައްވައެވެ. ސްޓެލްކޯ އަކީ އަބަދުވެސް އަޚުލާގު ރަނގަޅު މަސައްކަތަށް ފަރުވާ ބަހައްޓާ ސަގާފަތެއް ގެންގުޅުއްވާ މުވައްޒަފުން ތަކެއް އުޅޭ ކުންފުންޏެއްކަން ފާހަގަ ކޮށްލަން ޖެހެއެވެ.
