ކަނޑުތައް ދެމެހެއްޓެނިވި ގޮތުގައި ބޭނުން ކުރުމަށް ޤައުމުތައް ގުޅިގެން މަސައްކަތްކުރަން ޖެހޭ މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙުމަދު ޝިޔާމު ވިދާޅުވެއްޖެއެވެ.
ވަޒީރު ޝިޔާމު މިހެން ވިދާޅުވީ ޗައިނާ – އިންޑިއަން އޯޝަން ރީޖަން ފޯރަމުގެ ތީމަޓިކް ޑިސްކަޝަން އޮން "ދަ އޯޝަން ޑިކޭޑު އޮފް ޔުނައިޑަޓު ނޭޝަންސް އިން ދަ ކޮންޓެކްސް އޮޮފް ގްލޯބަލް ޑިވެލޮޕްމަންޓު އިނިޝިއޭޓިވުގައި ބައިވެރިވެވަޑައިގެން ދެއްކެވި ވާހަކަފުޅުގައެވެ.
ޗައިނާގެ ކުންމިންގުގައި ކުރިއަށްދާ މި ފޯރަމުގެ ހަވާސާގައި ކުރިއަށްދިޔަ މި ޑިސްކަޝަންގައި ވާހަކަދައްކަވަމުން ވަޒީރު ޝިޔާމު ދިވެހިންނާއި ކަނޑުތަކާއި އޮންނަ ގުޅުމުގެ މައްޗަށް އަލިއަޅުއްވާލާ ވާހަކަދައްކަވާފައެވެ. އެގޮތުންކަނޑުތަކަކީ ހަމައެކަނި ވަސީލަތްތަކަށްވުރެ މާ ބޮޑު އެއްޗެއްކަމަށާއި ކަނޑުތަކަކީ ދިވެހިންގެ މުޅި ދިރިއުޅުމާއި ގުޅިފައިވާ އެއްްޗަކަށްވާއިރު، މޫސުމަށް އަންނަ ބަދަލުތަކުގެ އެންމެ ކުރީ ސަފުގައި އޮތީ މި ނާޒުކު ކަނޑުތައް ކަމަށް ވިދާޅުވިއެވެ.
އޯޝަން ޑެކޭޑްގެ ޝިއާރަކީ 'ދުނިޔޭގެ ކަނޑުތަށް ހިމާޔަތްކުރުމަށް ބޭނުންވާ ސައިންްސްގެ ކުރިއެރުންތައް' އެވެ.
އޯޝަން ޑެކޭޑަކީ އަޅުގަނޑުމެންގެ ކަނޑުތަކަށް ކުރިމަތިވެފައިވާ ކުރިން ނުފެންނަ ގޮންޖެހުންތަކާ ކުރިމަތިލުމަށްޓަކައި ސައިންޓިފިކް ފަންނުވެރިކަމާއި، ސިޔާސަތުގެ މުހިއްމުކަމާއި ޖަމާޢަތުގެ ފިޔަވަޅުތައް އެއްބައިވަންތަ ކުރުމަށް މަސައްކަތްކުރަން ލިބޭ ފުރުސަަތެއް ކަމަށް ވަޒީރު ސިފަކުރެއްވިއެވެ.
ވަޒީރު ވިދާޅުވީ ސައިންސް އިން ނިންމުންތައް ނިންމުމުގައި، ދުނިޔެއަށް ކުރިމަތިވެފައިވާ ގޮންޖެހުންތަކުން އަރައިގަނެ ދެމެހެއްޓެނިވި މިސްރާބަކަށް ދިޔުމަށް އިސްކަންދޭން ޖެހޭކަމަށްވެެ.
މި ދިހަ އަހަރުގެ ލަނޑުދަނޑިތަކާއި މެދު ވިސްނާ، އޭގެ އަމާޒުތަކަށް ނަޒަރު ހިންގާއިރު، އދ. މި ދެ އޮނިގަނޑު ވެސް ބިނާވެފައިވަނީ 2030 ވަނަ އަހަރުގެ އެޖެންޑާ ފޯ ސަސްޓެއިނަބަލް ޑިވެލޮޕްމަންޓް ކުރިއަށް ގެންދިއުމަށް އިންކްލޫސިވިޓީ، އިނޮވޭޝަން، އަދި އެކްޝަން އޮރިއެންޓެޑް ސްޓްރެޓެޖީތަކުގެ މައްޗަށްކަން ވަޒީރު ފާހަގަކުރެއްވިއެވެ.
ވަޒީރު ވިދާޅުވީ ރާއްޖެއަށް އޯޝަން ޑެކޭޑާއި ޖީޑީއައި އިން ވެސް މަސްވެރި މުޖުތަމައުތައް ބާރުވެރިކޮށްދީ، ބަޔޯޑައިވަރސިޓީ ހިމާޔަތްކުރާ ހަމަހަމަ ކަނޑުގެ ދިރާސާ ސިޔާސަތުތަކަށް ވަކާލާތު ކުރުމުގެ ތަފާތު ފުރުސަތުތަކެއް ލިބިގެންދާކަމަށެވެ.
ގްލޯބަލް ޑިވެލޮޕްމަންޓް އިނިޝިއޭޓިވްގެ އުސޫލުތަކުން- އިނޮވޭޝަން، އިންކްލޫސިވިޓީ، އަދި ނަތީޖާއަށް ބިނާކޮށް އަމަލުކުރުމަށް ސަމާލުކަންދީގެން އޯޝަން ޑެކޭޑްގެ ލަނޑުދަނޑިތައް ހާސިލްކުރުމަށް ފުރިހަމަ އޮނިގަނޑެއް ހުށަހަޅައެވެ.
ޖީޑީއައި އިން ޤައުމުތައް ގުޅުވާލަދީ، ވަސީލަތްތައް އެއްކޮށް، އަވަސް އިންޒާރު ދިނުމުގެ ނިޒާމުތަކާއި، ކަނޑުތަކުގެ މައުލޫމާތުތައް ހޯދާ، ދެމެހެއްޓެނިވި މަސްވެރިކަމާއި އެކުއަކަލްޗަރގައި އައު އުފެއްދުންތައް ކުރިއެރުވުން ފަދަ ދާއިރާތަކުން މުހިންމު ޕްރޮގްރާމްތައް ހިންގުމަށް ބޭނުންވާ އެހީތެރިކަން ފޯރުކޮށްދޭނެކަމަށް ވަޒީރު ފާހަގަކުރެއްވިއެވެ.
ވަޒީރު ވަނީ މާނަ ފުން އިބާރާތަކުން އަދުގެ ހާލަތު ސިފަކުރައްވާފައެވެ. އެގޮތުން "އަވަހަށް ދާން ބޭނުންނަމަ އެކަނި ދާށެވެ. ދުރަށް ދާން ބޭނުންނަމަ އެކުގައި ދާށެވެ." ވިދާޅުވެ ވަޒީރު ވިދާޅުވީ ދުނިޔެއަށްް ކުރިމަތިވާ ގޮންޖެހުންތަކަށް ހައްލު ހޯދުމަށް ޤައުމުތައް ގުޅިގެން މަސައްކަތްކުރަން ޖެހޭ ކަމަށެވެ. މިކަންކަމުގައި ޤައުމުތަކުގެ ވަސީލަތްތަކާއި، ތަޖުރިބާއާއި، ހިޔާލު ހިއްސާކުރުން މުހިއްމު ކަމަށެވެ.
ޤައުމުތައް އެކުގައި އޯޝަން ސައިންސްގެ މި ދިހަ އަހަރުގައި، ނިންމާ ނިންމުންތަކުން، މުޖުތަމަޢުތައް ބާރުވެރިކޮށް، ބަޔޯޑައިވަރސިޓީ ރައްކާތެރިކޮށް، ކުރިއަށް އޮތް ޖީލުތަކަށް ދެމެހެއްޓެނިވި މުސްތަޤްބަލެއް ކަށަވަރުކޮށްދެވިގެންދާނެ ކަމަށްވެސް ވަޒީރު ވިދާޅުވިއެވެ.
