ދަރިފުޅު، އިސްމާއިލް ހާތިމް ވަޖީހުގެ ނަމުގައި ހުޅުމާލެއިން ބިމެއް ގަނެފައިވާ ކަމަށް ބުނެ ބައެއް މީޑިޔާތަކުން ފަތުރަމުން ގެންދަނީ ކަނޑައެޅިގެން ދޮގެއް ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ އިސްމާއިލް ވަޖީހް ވިދާޅުވެއްޖެއެވެ.
"އެކްސް" ގައި ކުރެއްވި ޕޯސްޓެއްގައި ވަޖީހް ވިދާޅުވީ އެޗްޑީސީއިން އޭނާގެ ދަރިފުޅު ހާތިމް ބިމެއް ގަނެފައިވާ ނުވާކަން ޔަގީންކޮށްދޭ ކަމަށެވެ. އަދި ފަތުރަމުން ދަނީ ކަނޑައެޅިގެން ދޮގެއް ކަމަށާއި އެފަދަ ބިމެއް ގަންނަން އެއްބަސްވުމެއްވެސް ހަދާފައި ނުވާނެ ކަމަށެވެ.
"އަޅުގަނޑުގެ ދަރިފުޅު، އިސްމާއިލް ހާތިމް ވަޖީހު އެޗްޑީސީއިން ބިމެއް ގަނެފައިވާކަމަށް ބުނެ ސޯޝިއަލް މީޑިޔާގައި ފަތުރަމުންދަނީ އެއްވެސް ހަގީގަތެއް ނެތް ކަނޑައެޅިގެން ދޮގު ވާހަކަތަކެކެވެ. އެފަދަ އެއްވެސް އެއްބަސްވުމެއް ހަދާފައި ނުވާނެ ވާހަކަ ދަންނަވަމެވެ" ވަޖީހް އެކްސްގައި ކުރެއްވި ޕޯސްޓުގައި ވިދާޅުވިއެވެ.
މި ދުވަސްވަރަކީ އެޗްޑީސީން ގަވާއިދާ ޚިލާފަށް ގޯއްޗާއި ބިންތަކެއް ވިއްކާފައިވާބުނެ ވަރަށް ބޮޑަށް ޚަބަރުތައް ފެތުރެމުން އަންނަ ދުވަސްވަރެކެވެ. މި ތުހުމަތުތަކުގެ ސަބަބުން ޕްރައިވެޓައިޒޭޝަން ބޯޑުން އިއްޔެ ވަނީ އެޗްޑީސީގެ މެނޭޖިން ޑިރެކްޓަރ އިބްރާހިމް ފަޒުލް ރަޝީދާއި ޑިރެކްޓަރުންގެ ބޯޑުން 1 މެމްބަރަކު ފިޔައިވައި އެހެން ހުރިހާ މެންބަރުން މަސްއޫލިއްޔަތުން އެކަހެރިކޮށް މުއްދަތެއް ނެތް ގޮތަށް ސަސްޕެންޑް ކޮށްފައެވެ. އަދި ފުލުހުން ގެންދަނީ މިއްސަލަތައް ތަހްގީގު ކުރަމުންނެވެ.
