އުމުރާ އަށް ދިޔަ ދިވެހި ދަތުރުވެރިން ދަތުރު ކުރަމުން ދިޔަ ބަހެއް ފުރޮޅާލައިފިއެވެ. ޔަގީން ނުކުރެވޭ ރިޕޯޓުތައް ބުނާ ގޮތުގައި ބައެއް މީހުންނަށް ވަނީ އަނިޔާވެފައެވެ. މިމީހުން ދަތުރުކޮށްފައި ވަނީ މުސާފިރު ގްރޫޕާއެއްކޮށް ކަމަށް ވެއެވެ.
އިތުރު އެހެން ހާދިސާއެއްގައި ހުއްދަ ނެތް ހޮޓަލެއްގައި އުމުރާވެރިން ގެންގުޅެނިކޮށް ޕޮލިހުން އެ ހޮޓަލަށް ރެއިޑްކޮށް އެތަން ބަންދުކޮށްފިއެވެ. މަރާމާތަށް ބަންދުކޮށްފައި ހުރި ހޮޓަލުގައި ދިވެހި ދެ ގްރޫޕަކުން މީހުން ބައިތިއްބާފައި ތިއްބެވެ.
މި ނޫހަށް މަޢުލޫމާތު ދިން ފަރާތުން ބުނިގޮތުގައި އެ ދެ ގްރޫޕަކީ، (ސ) ގްރޫޕާއި (ކ) ގްރޫޕެވެ. މި ގްރޫޕުތަކާ ގުޅޭގޮތް ވެފައި ނުވާތީ އެކަން ޔަގީން ކުރެވޭ ގޮތެއް ނުވެއެވެ. އަދި އެފަރާތުން ކިޔައި ދިން ގޮތުގައި މިހާރު ދިވެހިން ތިބީ މަގުމަތި ވެފައެވެ.
