އެވަކާޑޯ ޗިކަން ސެލެޑް

0

ތައްޔާރުކުރަން ހޭދަވާ ވަގުތު: 10 މިނިޓް

ބޭނުންވާ ތަކެތި:

  • 1 ޖޯޑު ކުކުޅު (ކައްކާ، ކޮށާފައި)
  • 1 އެވަކާޑޯ (ރަނގަޅަށް ދޮންވެފައިވާ، އޮށްނަގާ، ތޮށިމަށާފައި)
  • 1 އާފަލު (އޮށްނަގާ، ތޮށިމަށާ، ކޮށާފައި)
  • ¼ ޖޯޑު ސިލެރީ (ތުނިކޮށް ކޮށާފައި)
  • ¼ ޖޯޑު ފިޔާ (ތުނިކޮށް ކޮށާފައި)
  • 2 މޭޒުމަތީސަމުސާ ޕާރސްލޭ (ތުނިކޮށް ކޮށާފައި)
  • 1 މޭޒުމަތީސަމުސާ ލުނބޯހުތް
  • ލޮނު (ރަހަލާވަރަށް)
  • އަސޭމިރުސް (ރަހަލާވަރަށް)
Advertisement

ތައްޔާރުކުރާނެ ގޮތް

  • ބޯތަށްޓަކަށް ކުކުޅު، ފިޔާ، އެވަކާޑޯ، އާފަލު، ސިލެރީ އަޅާލުމަށްފަހު އުލަކުން އެވަކާޑޯ ޗިސްކޮށްލާށެވެ. މިގޮތަށް އެވަކާޑޯ ޗިސްކުރަމުންދާއިރު ދެންހުރި އެހެން ތަކެއްއްޗާއެކުވާނެހެން ރަނގަޅަށް އެއްކޮށްލާށެވެ.

  • ދެން ޕާރސްލޭ ، ލުނބޯހުތް، ލޮނު އަދި އަސޭމިރުސް އަޅާ އެއްކޮށްލާށެވެ. (ލޮނާއި ލުނބޯހުތް ބޭނުންފުޅު ނަމަ އެބޭފުޅަކަށް ރަހަލާ ވަރަށް އަޅާނީއެވެ.)

ނޯޓް: ސެލެޑް މާބޮޑަށް ހިކިކޮށްހުރިނަމަ، ތެތްކޮށްލުމަށްޓަކައި 1-2 ސައިސަމުސާ ޒައިތޫނިތެޔޮ ސެލެޑަށް އަޅާލުމަށްފަހު އެއްކޮށްލާށެވެ.

މިއީ ސޭންޑްވިޗް ޕާން، ޓޯސްޓް ކޮށްފަހުންނަ ޕާނާއި އެކުވެސް ކާލަން މީރު ސެލެޑެކެވެ.

ނޯޓް: ކެއުމަށްފަހު ބާކީ ސެލެޑްހުރިނަމަ، އެއާރޓައިޓް ކޮންޓެއިނަރ އަކަށް އަޅާލުމަށްފަހު ފްރިޖްގައި ބެހެއްޓިދާނެއެވެ. މިގޮތަށް ބެހެއްޓުމުން ސެލެޑްގެ ތާޒާކަން ނުގެއްލި ފަހުންވެސް ކާލެވޭނެއެވެ.

Advertisements