އިޒްރޭލަކީ ބިރަކާއި ނުލައި ނޫސްވެރިންނަށްހަމަލަދީ އެމީހުން މެރުމުޖގެ ސަގާފަތެއް އަށާގެންފައިވާ ގައުމެކެވެ. އިޒްރޭލުން ނޫސްވެރިންނަށް އެމީހުންގެ ވަޒިފާގައި އޮފީހުގައި ތިއްބައިވެސް ހަމަލަ ދީފައި ވެއެވެ. 2014، 2018، 2021، ގެ އަހަރުތަކާއި އަދި އޭގެ ކުރިން މިދިޔަ ގަރުނުގެ ހަތްދިހަ އާއި އަށްޑިހަ ވަނަ އަހަރު ގައިވެސް ޣައްޒާގެ ޓަވަރުތަކުގައި ބައިނަލްއަގްވާމީ މީޑިއާގެ އޮފީސްތަކަށް އަމާޒުކޮށް އެތަންތަން އިޒްރޭލުން ގޮއްވާފައި ވެއެވެ.
އިޒްރޭލުން ބިރަކާއި ނުލައި މި ހަމަލާތައް ނޫސްވެރިންނާއި ނޫސް އިދާރާތަކަށް ދެމުން ގެންދަނީ ޔަހޫދީންނަށް ވާގިވެރިވާ އެމެރިކާގެ ސަރުކާރުން އެކަމަށް ނުސީދާ ގޮތެއްގައި ހިތްވަރު ދެމުން ގެންދިއުމުންނެވެ.
ފާއިތުވި ދިހަވަރަކަށް އަހަރު ތެރޭގައި އިސްރާއީލުގެ ޒަޔަނސްޓް ސިފައިން ފަލަސްތީނުގެ ގިނަ އަދަދެއްގެ ނޫސްވެރިންނާއި، ޢިލްމުވެރިންނާއި، ލިޔުންތެރިންނާއި، މުފައްކިރުންނާއި ފިލޯސަފަރުން، ބޮން ގޮއްވާލައިގެންނާއި މީހުން މެރުމަށް އިޒޒްރޭލު ސަރުކާރުން ގެންގުޅޭ ދައުލަތުގެ ޓެރަރިސްޓް ސްކޮޑްތައް މެދުވެރިކޮށް ހަމަލަ ދީފައި މަރާފައި ވެއެވެ.
ޒަޔަނިސްޓް ސަރުކާރުގެ ޓެރަރިޒަމްގެ ޝިކާރައަކަށްވެފައިވާ ފަރާތްތަކުގެ ތެރޭގައި، ކަމާލް ނާސިރާއި، ކަމާލް އަދުވާން އަދި ޣައްސާން ކަނާފާނީ ފަދަ ލިޔުންތެރިންނާއި ޅެންވެރިން ހިމެނެއެވެ.
އިޒްރޭލުން ދޭހަމަލާތަކަށް ފަހު ޔަހޫދީ ދައުލަތުން ދައްކާ ވާހަކަތައް އެމެރިކާއާއި ހުޅަނގުގެ މީޑިއާއިން ޕްރޮޕެގެންޑާގެ ގޮތުގައި ބޭނުން ކުރެއެވެ.
ފަލަސްތީނުގެ ނޫސްވެރިންގެ ޖަމުއިއްޔާއިން ބުނާގޮތުން 2022 ވަނަ އަހަރު ފެށުނީއްސުރެ އިސްރާއީލުގެ ސިފައިން ނޫސްވެރިންނަށް 136 ހަމަލާ ދީފައި ވެއެވެ. އަދި 2014 ވަނަ އަހަރުން ފެށިގެން ނޫސްވެރިންނަށް ދިން ހަމަލާތަކުގެ އަދަދު 838 އަށް އަރާފައިވެ އެވެ.
ރިޕޯޓަރސް ވިތައުޓް ބޯޑާސް އިން ނެރުނު ރިޕޯޓެއްގައިވާ ގޮތުން ފަލަސްތީނުގެ ސަރަހައްދުތަކުގައި ހިނގި ހާދިސާތައް ކަވަރު ކުރުމުގައި އިސްރާއީލު ސިފައިންގެ ހަމަލާތައް ފާއިތުވި ހަތަރު އަހަރު ތެރޭގައި ފަލަސްތީނާއި ބޭރުގެ 144 އަށް ވުރެ ގިނަ ނޫސްވެރިންނަށް އަމާޒު ކޮށްފައި ވެއެވެ. އަދި ބައެއް ނޫސްވެރިންނަށް ދާއިމީ ނުކުޅެދުންތެރިކަން ހުންނަފަދަ ގެއްލުންތައް ދީފައި ވެއެވެ. ބައެއް މީހުންގެ އަތާއި ލޮލާއި މޫނަށްވެސް އަނިޔާތައް ދީފައިވާ ކަމަށް ބުނެއެވެ.
