މާލެއަތޮޅު މާފުށީގެ ދެ ސަރަހައްދެއްގައި އަލަށް ބަހައްޓާފައިވާ ޓްރާންސްފޯމަރުތައް ކޮމިޝަން ކުރެވި މިހާރު ވަނީ ލޯޑްދެވިފައި ކަމަށް އެރަށަށް ކަރަންޓުގެ ޚިދުމަތް ދެމުން ގެންދާ ސްޓެލްކޯއިން ބުނެފިއެވެ.
މާފުށީގެ ކުޑަ މިސްކިތާއި، ގެސްޓް ހައުސްތައް ހުންނަ ސަރަހައްދުގައި އަލަށް ބަހައްޓާފައިވާ މި ޓްރާންސްފޯމަރުތަކާއިއެކު، މާފުށީގެ ކަރަންޓު ޑިސްޓްރިބިއުޝަން ވިއުގަ އިތުރަށް ފުރިހަމަ ކުރެވި، އެކަމުގެ ފަސޭހަތައް އެރަށުގެ ރައްޔިތުންނަށް ލިބިގެންދާނޭ ކަމަށް ވެސް އެކުންފުނީން ބުނެފައިވެއެވެ.
މިއީ މާފުށީގެ އިތުރުވަމުން އަންނަ ޑިމާންޑާއި އެއްވަރަށް ކަރަންޓުގެ ޚިދުމަތް ފޯރުކޮށްދިނުމަށްޓަކައި، އެ ރަށުގައި އަލަށް ބެހެއްޓި ޓްރާންސްފޯމަރުތެކެކެވެ.
އެރަށަށް ދިމާވެފައިވާ ކަރަންޓުގެ މައްސަލަ ހައްލު ކުރުމަށްޓަކައި ސްޓެލްކޯއިން ގެންދަނީ ވަރަށްބޮޑަށް މަސައްކަތް ކުރަމުންނެވެ.
