މޯލްޑިވިއަންގެ ޕައިލެޓުންނަށާއި ކެބިން ކްރޫންނަށް، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން އިންފްލައިޓް ފަޔަރ ފައިޓިންގ ކުލާސްތަކެއް ހިންގައިފިކަމަށް އެމްއެންޑީއެފް އިން ބުނެފި އެވެ.
ކ.ވިލިމާލޭގައި ހުންނަ އެމްއެންޑީއެފް ފަޔަރ އެންޑް ރެސްކިޔު ޓްރެއިނިންގ ސްކޫލުގައި އިއްޔެއާއި މިއަދު ހިންގި މި ކުލާސްތަކުގައި މޯލްޑިވިއަންގެ ޕައިލެޓުންނާއި ކެބިން ކްރޫން ހިމެނޭހެން 20 ފަރާތަކުން ބައިވެރިވި ކަމަށް އެމްއެންޑީއެފް އިން މައުލޫމާތު ދިނެވެ.
މި ކުލާސްތަކުގައި ކިޔަވައިދިން ބައިތަކުގެ ތެރޭގައި ބޭސިކް ފަޔަރ ކެމިސްޓްރީ، ފުލައިޓުތަކުގައި އަލިފާން ނިއްވުމަށް ބޭނުންކުރެވޭ އިކުއިޕްމެންޓުތައް، އޮޕަރޭޝަނަލް ސްޓެންޑަރޑްސް ފޮރ އެން އިންފްލައިޓް ފަޔަރ، އޮޕަރޭޝަނަލް އެންޑް ހިއުމަން ފެކްޓަރސް އިންވޮލްވްޑް އިން އިންފްލައިޓް ފަޔަރ މެނޭޖްމަންޓް، އަދި ޕްރިވެންޝަން ސްޓްރެޓަޖީސް ހިމެނެއެވެ.
މި ކުލާސްތަކުގައި މުދައްރިބުންގެ ގޮތުގައި ހަރަކާތްތެރިވީ އެމްއެންޑީއެފް ފަޔަރ އެންޑް ރެސްކިޔު ޓްރެއިނިންގ ސްކޫލުގެ ފަޔަރމަނުން ކަމުގައި އެމްއެންޑީއެފް އިން ބުންޏެވެ.
