ހުޅުމާލޭގެ ބައެއް ހިސާބުތަކުން މިއަދު ކަރަންޓު ކެނޑުމަކީ އެކަށީގެންވާ ކަމެއް ކަމަށް ސްޓެލްކޯއިން ބުނެފިއެވެ.
އެކުންފުނީން ބުނެފައިވަނީ ޑިސްޓްރިބިއުޝަން ނެޓްވޯކް އަޕްގްރޭޑް ކުރުމަށްޓަކައި ކޮންމެހެން ކުރަންޖެހޭ މަސައްކަތެއް މިއަދު ކުރަންޖެހޭ ކަމަށެވެ. އެ މަސައްކަތް ކުރަމުންދާ ވަގުތު ހުޅުމާލެ ރެޑްބުލްޕަރކް ސަރަހައްދުން ޗަންބޭލީމަގު ގޯޅި، ނިރޮޅުމަގު، ކެލާމަގުގެ އިތުރުން، ކާނިމަގު ހިސާބުން ކަރަންޓު ކެނޑުމަކީ އެކަށީގެންވާ ކަމެއް ކަމަށެވެ.
މި މަސައްކަތް ކުރުމަށް ހަމަޖެހުފައިވަނީ މިއަދު ހެނދުނު 9:00 އިން 12:00 އަށެވެ. މިގަޑިތަށް މިހެން އަންދާޒާ ކޮށްފައިވިޔަސް މަސައްކަތް ނިމުނުހާ އަވަހަކަށް އަލުން ކަރަންޓު ދޭނޭ ކަމަށް ވެސް އެކުންފުނީން ބުނެފަައިވެއެވެ. މިވަގުތު ދިމާވެދާނޭ ދަތިކަމަށްޓަކައި ރައްޔިތުންގެ ކިބައިން މާފަށް އެދޭ ކަމަށް ވެސް އެކުންފުނީން ބުނެފައިވެއެވެ.
