ސަރުކާރުގެ 2030 "ނެޓްޒީރޯ" އަމާޒަށް ވާސިލުވުމަށް، ތިމާވެއްޓާ ރައްޓެހި އިއާދަކުރަނިވި ހަކަތަ އުފެއްދުމާއި ގުޅޭގޮތުން ސްޓެލްކޯއިން ބޭރު ބަޔަކާ މަޝްވަރާ ކުރައްވައިފިއެވެ.
ސްޓެލްކޯއިން ބުނީ އެކުންފުނީން މަޝްވަރާ ކުރީ ފިންލެންޑްގެ ޓެކްނޮލޮޖީ ގްރޫޕް ވަރޓްސިލާ އާ ކަމަށެވެ. ސްޓެލްކޯއިން ބުނެފައިވަނީ ބޭރުގެ އެކުންފުންޏާއެކު ގިނަ މަޝްވަރާތައް ކުރެވުނު ކަމަށެވެ. އެ މަޝްވަރާތަކުގެ އަލީގައި ހެދިފައިވާ ދިރާސާތަކާ މެދު ވާހަކަ ދައްކާފައިި ކަމަށް ވެސް ސްޓެލްކޯއިން ބުނެފައިވެއެވެ.
ވަރޓްސިލާ ކުންފުނިން ސްޓެލްކޯއާއެކު މަސައްކަތް ކުރާތާ މިހާރުވަނީ 30 އަހަރު ފުރިފައެވެ. އެހެން ކަމުން އެކަމުގެ އަގުވަޒަންކޮށް އެކުންފުނިން ވަނީ ސްޓެލްކޯގެ މެނޭޖިންގ ޑިރެކްޓަރ އަޙުމަދު ޝަރީފް އާދަމަށް ހަނދާނީ ފިލައެއް އަރުވާފައި ކަމަށް ވެސް ސްޓެލްކޯއިން ބުންޏެވެ.
