ހދ.އަތޮޅު ތަޢުލީމީ މަރުކަޒުގައި ކުޑަކުދިންގެ ދުވަސް ފާހަގަކުރުމަށް ބޭއްވި ހަރަކާތުގައި އެމްއެންޑީއެފް ނޮދަން އޭރިއާ ކޮމާންޑުގެ ފަޔަރ އެންޑް ރެސްކިޔު ސަރވިސް ކޮމްޕޯނަންޓުން ބައިވެރިވެއްޖެއެވެ. މިއީ މިއަދު ހދ.އަތޮޅު ތަޢުލީމީ މަރުކަޒުން އިންތިޒާމުކޮށްގެން، ކުރިއަށް ގެންދިޔަ ހަރަކާތެކެވެ.
ހދ.ކުޅުއްފުށި ސިޓީގައި ކުރިއަށްދިޔަ މި ހަރަކާތުގައި އެމްއެންޑީއެފް ނޮދަން އޭރިއާ ކޮމާންޑުގެ ފަޔަރ އެންޑް ރެސްކިޔު ސަރވިސް ކޮމްޕޯނަންޓުން ވަނީ، ފަޔަރމަނުން އޮޕަރޭޝަންތަކުގައި ބޭނުންކުރާ އާލަތްތަކާއި ވެހިކަލް ޑިސްޕްލޭކޮށް، އެތަކެއްޗާ އެކު ފޮޓޯ ނެގުމުގެ ފުރުސަތު ހުޅުވާލާފައެވެ.
އެމްއެންޑީއެފްއިން ވިދާޅުވިގޮތުގައި ގިނަ އަދަދެއްގެ ކުޑަކުދިން ބައިވެރިވި މި ހަރަކާތުގައި އެފްއާރުއެސްގެ ސްޓޯލަށް ވަނީ ބޮޑު ތަރުހީބެއް ލިބިފައެވެ.އަދި މި ހަރަކާތުގައި ހަރަކާތްތެރިވެފައިވަނީ އެމްއެންޑީއެފް ނޮދަން އޭރިއާ ކޮމާންޑުގެ ފަޔަރ އެންޑް ރެސްކިޔު ސަރވިސް ކޮމްޕޯނަންޓުގެ ފަޔަރމަނުންނެވެ.
