ރާއްޖޭގެ ކަނޑުގެ ސަރަޙައްދުގައި މަސްވެރިކަން ކުރަމުންދިޔަ ބޭރު އުޅަނދެއް އަތުލައިގެންފިއެވެ.
އެމްއެންޑީއެފްއިން މިއަދު ކުރި ޓުވީޓެއްގައި ވިދާޅުވެފައިވަނީ އިގްތިޞާދީ ސަރަހައްދުގެ ތެރޭގައި ޤާނޫނާ ޚިލާފަށް މަސްވެރިކަން ކުރަމުން ދިޔަ އެ ބޯޓު ވަނީ އެމްއެންޑީއެފް ކޯސްޓްގާޑް ބެލުމުގެ ދަށަށް ގެންގޮސްފައިކަމަށެވެ.
ނަމަވެސް މިހާތަނަށް އަދި އެއީ ކޮން ގައުމެއްގެ އަދި ކިތައް މީހުން ތިބި ބޯޓެއްކަމެއް ހާމަކޮށްފައިއެއް ނުވެއެވެ.
މީގެކުރިންވެސް މިހެން ހުއްދަ ނެތި ވަންނަ ބޯޓު ފަހަރު އެމްއެންޑީއެފްގެ ބެލުމުގެ ދަށަށް ގެންގޮސްފައިވެއެވެ. އަދި އެ ބޯޓު ފަހަރު ދޫކޮށްލަނީ ފިޝަރީޒް މިނިސްޓްރީން ޖޫރިމަނާކޮށް، އެ ފައިސާ ދެއްކުމުންނެވެ.
