ވިލިމާލޭ "ސޮޕް އެން ސޭލް" ފިހާރައިގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނީ ވިލިމާލޭގައި ހުންނަ ޝޮޕް އެންޑް ސޭލް ފިހާރައިގެ މަތީ ފަންގިފިލާގައި އަލިފާނުގެ ހާދިސާއެއް ހިނގައިގެން ރިޕޯޓުކުރީ މިއަދު ހެނދުނު 09:00 ގައި ކަމަށެއެވެ.
އަދި ވިލިމާލެ ފަޔަރ ސްޓޭޝަނުން އެތަނަށް ގޮސް އިރުކޮޅެއްގެތެރޭގައި އަލިފާން ނިއްވާލައިފައިވާ ކަމަށްވެސް އެމްއެންޑީއެފްއިން ބުނެފައިވެއެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
އަދި މި ހާދިސާ ހިނގަން މެދުވެރިވި ސަބަބު އެމްއެންޑީއެފްއިން އަންނަނީ ތަހުގީގުކުރަމުންނެވެ.
