ވިއެޓްނާމްގައި ބަހަކާއި ޓްރަކެއް ޖެހި 5 މީހަކު މަރުވެއްޖެއެވެ.
ވިއެޓްނާމްގެ އުތުރުގެ ޓޫޔެން ކުއަންގް ޕްރޮވިންސް ތެރެއިން ދުއްވާ ގައުމީ ހައިވޭގައި ސްލީޕާ ބަހަކާއި ކޮންޓެއިނަރު ޓްރަކެއް ޖެހި އެކްސިޑެންޓެއްގައި ފަސް މީހަކު އެތަނުން މަރުވެފައިވާ ކަމަށް ވިއެޓްނާމް ނިއުސް އެޖެންސީން ބުނެފި އެވެ.
މި ހާދިސާގައި މަރުވި 5 މީހުންގެ އިތުރުން 5 މީހަކަށް ސީރިއަސް އަނިޔާތަކެއް ލިބި، ހޮސްޕިޓަލަށް ގެންގޮސްފައިވެ އެވެ. މި އެކްސިޑެންޓް ހިނގާފައިވަނީ ދަންވަރު ގާތްގަނޑަކަށް 1:40(ރާއްޖޭގެ ގަޑިން ރޭގަނޑު 11:40) ހާއިރެވެ. ސްލީޕާ ބަސް ދުއްވަމުން ދިޔައީ ހައިވޭ ނަންބަރު 2 އިން ހާ ގިއަންގް އަދި ޓޫޔެން ކުއަންގް ޕްރޮވިންސްއާ ދިމާއަށެވެ.
ކޮންޓެއިނަރު ޓްރަކް ދުއްވަމުން ދިޔައީ ހައި ފޮންގް ސިޓީން ހާ ގިއާންގް ޕްރޮވިންސް އިދިކޮޅު ދިމާލުން ބަހާއި ޖެހިގެންނެވެ.
ޓްރަކް ފުރޮޅާލިއިރު ސްލީޕާ ބަހުގެ އެއްފަރާތް މުޅިން ހަލާކުވެފައިވާ ކަމަށް ލޯކަލް ނިއުސް ވެބްސައިޓް ވީއެންއެކްސްޕްރެސް އިން ބުނެފި އެވެ.
މި މައްސަލަ އިތުރަށް ތަހުގީގު ކުރަމުންދާ ކަމަށެވެ.
