މިދިޔަ އަހަރުގެ އޮކްޓޯބަރު މަހުން ފެށިގެން އިސްރާއީލުން ޣައްޒާއަށް ދެމުން އަންނަ ހަމަލާތަކުގައި މިހާތަނަށް 40،000 އަށްވުރެ ގިނަ މީހުން ޝަހީދުކޮށްލާފައިވާކަމަށް ޣައްޒާގެ ސިއްޙީ ވުޒާރާއިން މިއަދު ވިދާޅުވެއްޖެއެވެ.
ޣައްޒާގެ ސިއްޙީ ވުޒާރާއިން ވިދާޅުވި ގޮތުގައި އިސްރާއީލުގެ ހަމަލާތަކުގެ ސަބަބުން 40،000 އަށްވުރެ ގިނަ މީހުން ޝަހީދުވެފައިވާއިރު، 92،401 މީހުންނަށް ވަނީ އަނިޔާވެފައެވެ. އަދި އާބާދީގެ %85 އަށްވުރެ ގިނަ މީހުން ވަނީ އެމީހުންގެ ގެދޮރުން ނުކުންނަށް މަޖުބޫރުވެފައެވެ.
ޒަޔަނިސްޓު ލަޝްކަރުން މިހާރު ދަނީ ޢައްޒާގައި ހުންނަ ސްކޫލުތަކަށް ދޭ ހަމަލާތަށް އިތުރުކުރަމުންނެވެ. އިސްރާއީލުން ބުނާ ގޮތުގައި އެ ހަމަލާތައް އަމާޒުކޮއްފައިވަނީ ހަމާސްގެ އިސްވެރިންނަށެވެ. ނަމަވެސް، ހަމަލާތަކުގައި ޝަހީދުވާ މީހުންގެ ބޮޑު ބަޔަކީ ގެދޮރު ގެއްލި، އެތަންތަނުން ބޯހިޔާވަހިކަން ހޯދަމުން އަންނަ އަންހެނުންނާއި ކުޑަކުދިންނެވެ.
