މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްއިން "ޕިޗް ރައިޓިންގ" މުބާރާތެއް ބާއްވަން ނިންމައިފިއެވެ.
"ޕިޗް ރައިޓިންގ" މުބާރާތަކީ ޒުވާނުންގެ ދުވަހާއި ގުޅިގެން އދ. ކަނޑައަޅާފައިވާ ޝިއާރު " ފްރޮމް ކްލިކްސް ޓު ޕްރޮގްރެސް: ޔޫތު ޑިޖިޓަލް ޕާތްވޭސް ފޯ ސަސްޓޭނަބަލް ޑިވަލޮޕްމަންޓް" އާ ގުޅޭގޮތުން ޒުވާނުންނަށް އަމާޒުކޮށްގެން ބޭއްވުމަށް ހަމަޖެހިފައިވާ މުބާރާތެކެވެ.
މި މުބާރާތުގައި ބައިވެރިވާ ފަރާތްތަކުގެ ތެރެއިން އެންމެ ރަނގަޅު 3 ޕިޗް ހުށަހަޅާ ފަރާތްތައް ހޮވާ އެފަރާތްތަކަށް އިނާމު ދިނުމަށް ވަނީ ހަމަޖެހިފައެވެ. މިމުބާރާތުގައި ބައިވެރިވުމަށް ޝައުގުވެރިވާ އުމުރުން 16 އަހަރާއި 35 އަހަރާ ދެމެދުގެ ފަރާތްތަކުން 31 އޮގަސްޓް 2024 ވާ ހޮނިހިރު ދުވަހުގެ 13:00ގެ ކުރިން މިނިސްޓްރީގެ އީމެއިލް އެޑްރެސް [email protected]އަށް މެއިލް ކުރުމަށް މިނިސްޓްރީން އެދެއެވެ. ބައިނަލް އަގްވާމީ ޒުވާނުންގެ ދުވަހަކީ 12 އޮގަސްޓް 2024 އެވެ.
