ސަހްޔޫނީ އިޒްރޭލުން ފަލަސްތީނުގެ ނަސްލު ނައްތާލުމަށް ހިންގަމުން އަންނަ ޤަތުލް އާންމުގައި ޚާން ޔޫނިސްގައި ދިރިއުޅޭ ފަލަސްތީނު އާއިލާއެއްގައި ތިބި 14 ކުޑަކުދިން މިއަދު ޝަހީދު ކޮށްލައިފިއެވެ.
އަލްޖަޒީރާއިން ބުނެފައިވާ ގޮތުގައި މި އާއިލާއިން ޖުމްލަ 38 މީހުން ސަހްޔޫނީ ސިފައިން ވަނީ ޝަހީދު ކޮށްލާފައެވެ.
އިޒްރޭލުން ގެންދަނީ ފަލަސްތީނުގެ ނަސްލު ނައްތާލުމަށް ވަރަށް ފުޅާދާއިރާއެއްގައި ފަލަސްތީނުގެ އެކިހިސާބުތަކުގައި ޤަތުލް ޢާންމުތައް ހިންގަމުންނެވެ. މިގޮތުން ޣައްޒާގެ އުތުރުގެ ހުރިހާ ހޮސްޕިޓަލްތަކުގެ ޚިދުމަތް ކަނޑާލައި ސިއްހީ ޚިދުމަތުން ޣައްޒާގެ އުތުރުގައި ދިރިއުޅޭ ހުރިހާ ރައްޔިތުން ވަނީ މަހްރޫމް ކޮށްފައެވެ.
އިޒްރޭލުން އެންމެ ބޮޑު ޤަތުލް އާންމެއް ހިންގާފައި ވަނީ ޖަބަލިޔާ ރެފިއުޖީ ކޭމްޕުގައި ކަމަށް އަލްޖަޒީރާއިން ބުނެއެވެ. ޤަތުލް އާންމުތަކުގެ ޚަބަރުތައް ގެނެސްދިނުމަށް މަސައްކަތް ކުރަމުންް އަންނަ އަލްޖަޒީރާގެ ނޫސްވެރިންނަށް އިޒްރޭލުން މިއަދު ހަމަލާދީފައިވާ ކަމަށްވެސް އަލްޖަޒީރާއިން ބުނެއެވެ.
