އެމެރިކާގެ ދިފާއީ ވުޒާރާގައި ފައިސާއަށް ވާނުވާއެއް ނޭނގެއެވެ. މިއަހަރުވެސް އެމެރިކާގެ ދިފާއީ ވުޒާރާ ވަނީ އޮޑިޓް ކުރުމުގައި ފޭލްވެފައެވެ. އެ ވުޒާރާގެ އޮފީސް އޮފް ދަ އިންސްޕެކްޓަރ ޖެނެރަލް އާއި މިނިވަން އެކައުންޓިން ފާމަކުން ކުރިއަށް ގެންދިޔަ އޮޑިޓްގައި 1700 އޮޑިޓަރުން ބޭނުން ކުރިއެވެ.
އަދި އެކަމަށް އެފްރިކާގެ މޮރިޓޭނިއާ ފަދަ ގައުމެއްގެ މުޅި ދިފާއީ ބަޖެޓާ އެއްވަރުގެ އަދަދެއް ހޭދަ ކުރިއެވެ. ޖުމުލަ 187 މިލިއަން ޑޮލަރު އޮޑިޓަށް ހޭދަ ކުރިއެވެ.
އެމެރިކާއިން 2024 ވަނަ އަހަރު ދިފާޢީ ދާއިރާއަށް 824 ބިލިއަން ޑޮލަރު ޚަރަދު ކުރިއެވެ. މިއީ އޭގެ ކުރީ އަހަރަށްވުރެ 27 ބިލިއަން ޑޮލަރު އިތުރު އަދަދެކެވެ.
މީގެ ކުރީގެ 7 އަހަރުވެސް ދިމާވިފަދައިން މިއަހަރުވެސް އޮޑިޓަރުންނަށް ފައިސާ ހޭދަ ކުރި ގޮތާއި ފައިސާގެ ތަފްސީލެއް ނު ފެނުނެވެ.
އެތައް ސަތޭކަ ބިލިއަން ޑޮލަރެއްގެ އެސެޓްތަކުގެ މައުލޫމާތު ދޭކަށް މަސްއޫލުވެރިންނަކަށް ނޭނގުނެވެ.
