އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާއި ކުރީގެ ޑިފެންސް މިނިސްޓަރު ޔޯއަވް ގަލަންޓް ހައްޔަރު ކުރުމަށް އިންޓަނޭޝަނަލް ކްރިމިނަލް ކޯޓުން ނެރުނު އަމުރަކީ، "ހިތްވަރުގަދަ ފިޔަވަޅެއް" ކަމަށް ވިދާޅުވެ، ތުރުކީގެ ރައީސް ރަޖަބް ތައިބް އުރުދުޣާން އައިސީސީއަށް ތައުރީފު ކުރައްވައިފިއެވެ.
"އަޅުގަނޑުމެން ހައްޔަރު ކުރުމުގެ އަމުރަށް ތާއީދުކުރަން. ބައިނަލްއަގްވާމީ ނިޒާމުގައި އިންސާނިއްޔަތަށް އިތުބާރު އާކުރުމަށް ހުރިހާ މެމްބަރު ގައުމަކުން މި ހިތްވަރުގަދަ ނިންމުން ތަންފީޒު ކުރުމަކީ މަކީ މުހިންމު ކަމެއް ކަމަށް އަޅުގަނޑުމެން ދެކެން،" އިސްތަންބޫލްގައި ވާހަކަ ދައްކަވަމުން އުރުދުޣާން ވިދާޅުވި އެވެ.
