ބަންދުގައި ބަހައްޓައިގެން ކޯޓަށް ހާޒިރުކުރުމަށް މުލީ މީހަކު ހޯދަން ފުލުހުން އިއުލާންކޮށްފިއެވެ.
ފުލުހުން އެމީހާ ހޯދަނީ ސިވިލް ކޯޓަށް ހުށަހަޅާފައިވާ ރަހުނު ނުހިމެނޭ ފައިސާގެ ހުކުމް ތަންފީޒް މައްސަލައާ ގުޅިގެން ކަމަށާއި އޭނާ ބަންދުގައި ބަހައްޓައިގެން މިއަދު 10:00 އަށް ސިވިލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެންނެވެ.
މި އަމުރާ ގުޅިގެން ހޯދަމުންދަނީ މ.މުލި / ޖޭމުގަސްދޮށުގެ، މުހައްމަދު ވާފިރު (50އ) ކަމަށްވެސް ފުލުހުން ބުނެފައިވެއެވެ. އަދި ވާފިރު އާބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި ހިއްސާކުރެއްވުމަށްވެސް ފުލުހުން އެދިފައިވެއެވެ.
ހަމައެއާއެކު މިފަދަ ކަންކަމުގައި އާންމު ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުމަށް އެފަރާތުން ވަނީ ޝުކުރުއަދާކޮށްފައެވެ.
