ބޭސިކް ފޮޓޯގްރަފީ އޮންލައިން ކޯހެއްގައި ބައިވެރިވުމުގެ ފުރުސަތު އިންފިނިކާ އެކެޑަމީއިން ހުޅުވާލައިފިއެވެ.
މި ކޯހަކީ ފޮޓޯގްރަފީ ދާއިރާގައި 18 އަހަރުގެ ތަޖުރިބާ ލިބިފައިވާ ފޮޓޯގްރާފަރަކު ކިޔަވައިދޭ ކޯހެއްކަމަށް އިންފިނިކާއިން ބުނެއެވެ.
މި ކޯހުގައި އެކި ވައްތަރުގެ ފޮޓޯގްރަފީ، ޝަޓަރ ސްޕީޑް، އައިއެސްއޯ، އެޕޭޗަރ، ލައިޓިން، މީޓަރިން، ކެމެރާ މޯޑްސް އަދި ކޮމްޕޮޒިޝަން ފަދަ މުހިންމު ބައިތައް ހިމެނޭނެ ކަމަށްވެސް އިންފިނިކާ އެކެޑަމީން ބުނެފައިވެއެވެ.
ކޯހުގެ ފީއަކީ 1000 ރުފިޔާ ކަމަށާއި، ކޯސް ފެށުމަށް ހަމަޖެހިފައިވަނީ ޑިސެމްބަރު 5 ވަނަ ދުވަހު ކަމަށް އެ އެކެޑަމީން މަޢުލޫމާތު ދީފައިވެއެވެ.
ކޯހުގައި ބައިވެރިވާން ބޭނުންވާ ފަރާތްތަކަށް ފޯމު ފުރުމުގެ ފުރުސަތު އިންފިނިކާއިން ވަނީ ހުޅުވާލާފައިއެވެ. އިތުރު މަޢުލޫމާތު ހޯދުމަށް 7464643 ނަންބަރާ ގުޅުމަށް އެކެޑަމީން އަންގާފައިވެއެވެ.
