ދަރުމަވަންތަ ހޮސްޕިޓަލާ ދިމާ މޫދުން ޒަހަމްވެފައި އޮތް މީހަކު ފެނިފައިވާ ކަމަށް ފުލުހުން ބުނެފިއެވެ.
ފުލުހުން މިހެން ބުނެފައިވަނީ މީޑިއާތަކަށް މިއަދު ފޮނުވި މެސެޖެއްގައެވެ.
ފުލުހުން ބުނީ، އަނިޔާތަކަކާ އެކު މޫދުގައި އޮއްވާ ފެނިފައިވަނީ ދިވެހި ފިރިހެނެއް ކަމަށެވެ. އަދި އޭނާ މިހާރު އައިޖީއެމްއެޗަށް ގެންގޮސްފައިވާ ކަމަށެވެ.
މައުލޫމާތު ލިބިފައިވާގޮތުގައި އެމީހާ ޒަހަމްވެފައިވަނީ ދަރުމަވަންތަ ހޮސްޕިޓަލާ ދިމާލުން މޫދަށް އެރިއުޅުނިކޮށް ކޮޅުވެއްޓިއެއްގެ ބުރަފަތީގައި ޖެހިގެންނެވެ.
ފުލުހުން ބުނީ މިމައްސަލަ ފުލުހުން ގެންދަނީ ތަހުގީގު ކުރަމުން ކަމަށެވެ. އަދި މި ހާދިސާގެ އިތުރު ތަފްސީލުތައް ލިބެމުންދާ ވަރަކުން މީޑީއާއަށް ހިއްސާ ކުރަމުން ދާނެ ކަމަށްވެސް ފުލުހުން ވަނީ ބުނެފައެވެ.
