ހައްޖަށް ދިޔުމަށް އަންނަ އަހަރު ޖާގަލިބިފައިވާ އެންމެންނަށް ހައްޖަށް ދެވޭނެ ކަމުގެ ޔަގީންކަން އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ދެއްވައިފިއެވެ.
ހައްޖު ކޯޕަރޭޝަނުގެ ހައްޖު ކިއު ތަރުތީބާ ގުޅޭ ގޮތުން އާންމުންގެ މެދުގައި އުފެދިފައިވާ ނުތަނަވަސްކަމަށް ޖަވާބު ދެއްވައި ވަޒީރު ޝަހީމް ވިދާޅުވީ އަންނަ އަހަރު ހައްޖަށް ދިއުމުގެ ޖާގަ، ހައްޖު ކޯޕަރޭޝަނުގެ ސިސްޓަމުގެ ތެރެއިން ލިބިފައިވާ އެންމެންނަށް ހައްޖުވުމުގެ ފުރުސަަތު ލިބޭނެކަމުގެ ޔަގީންކަން ދެއްވައިފަ އެވެ.
ރާއްޖެއިން މިހާރު ހައްޖަށް ދިޔުމުގެ ފުރުސަތު ދެނީ ހަމައެކަނި ހައްޖު ކޯޕަރޭޝަން މެދުވެރިކޮށެވެ. މިދިޔަ އަހަރު ރާއްޖެއަށް ހައްޖަށް މީހުން ގެންދިޔުމަށް ލިބުނީ 1150 ކޯޓާއެވެ. ސަރުކާރުން ގެންދަނީ ކޯޓާގެ އަދަދު އިތުރު ކުރުމަށް މަސައްކަތް ކުރައްވަމުން ކަމަށް ވަޒީރު ޝަހީމް ވިދާޅުވިއެވެ.
