އެމެރިކާގެ ނޫސް، ވޮޝިންޓަން ޕޯސްޓުން ޚިޔާލު ފާޅުކުރުމުގެ މިނިވަންކަމަށް އަރައިގަނެ، ސެންސަރު ކުރުމަށް މަސައްކަތް ކުރުމާ ގުޅިގެން، އެނޫހުގެ ކާޓޫނު ކުރަހާ އާޓިސްޓު އިސްތިއުފާ ދީފިއެވެ.
އިސްތިއުފާ ދެމުން އެން ޓެލްނަސް ބުނެފައި ވަނީ، ނޫހުން އަމިއްލަ މޮޓޯއާ ޚިލާފަށް މިހާރު އަމަލު ކުރަމުންދާ ކަމަށެވެ. ޓެލްނަސްއަކީ ޕުލިޓްޒަރ ޕްރައިސް ހޯދާފައިވާ ނޫސްވެރިއެކެވެ.
އޭނާ ވަނީ އެމެރިކާ ސަރުކާރުގެ ކޮންޓްރެކްޓްތައް ހޯދުމަށް، ވިޔަފާރި ވެރިޔާ ޖެފް ބެޒޯސް ޓްރަމްޕަށް ދީލާފައިވާ ކަމަށް ބުނެ އެކަމާ ދެކޮޅަށް ކާޓޫނެއް ކުރަހާ ފައެވެ. އަދި ނޫހުން ވަނީ އޭނާގެ ކާޓޫނު ސެންސަރު ކުރުމަށް އަންގައި އެ ކާޓޫން ނުޖަހަން ނިންމާފައެވެ.
އެމެރިކާ މީޑިއާ ރިޕޯޓުތައް ބުނާ ގޮތުން، ބެޒޯސް އާއި އެމެރިކާގެ މީޑިއާ ކޮންޓްރޯލު ކުރާ ވިޔަފާރިވެރިންނާއި ނޫސްތަކުގެ އިސްވެރިން ވަނީ ޓްރަމްޕާއެކު އޭނާގެ ފްލޮރިޑާ ރިސޯޓުގައި ބައްދަލުކޮށް ފައެވެ. އަދި އެއްބަޔަކު އަނެއް ބަޔަކާ ގުޅިގެން މަސައްކަތް ކުރުމަށް އެއްބަސްވިކަމަށްވެސް މީޑިއާ ރިޕޯޓތައް ބުނެއެވެ.
އެމެޒޮންގެ ވެރިމީހާ، ބެޒޮސްއަކީ، ވޮޝިންޓަން ޕޯސްޓު ނޫހުގެ މިލްކުވެރި ފަރާތް ވެސް މެއެވެ.
ޓެރަރިސްޓު ސްޓޭޓުސް އޮފް އެމެރިކާ ސައިޒަށް ކެނޑޭހެންހާދަ ހީީވެޔޭ
ހުޅަގު ދުނިޔޭގައި ނަމަކަށް އޮންނަ ކަމެއް ޚިޔާލުފާޅުކުރުމުގެ މިނިވަންކަމަކީ މީޑިއާ އޮންނާނީ ޚާރިޖީ ސިޔާސަތު ހިމާޔަތްކުރާ ޓޫލެއް ގޮތަށް. ޒައިނިސްޓް އިޒުރޭލުގެ އަނިޔާވެރި އަމަލުތަކުގެ ވާހަކަތައް ހުންނާނީ އިޒުރޭލާ އެއްކޮޅަށް އިޒުރޭލަށް ހަމްދަރުދީ ލިބޭގޮތަށް.