ހަނގުރާމައިގެ ޖަރީމާތައް ހިންގި ކަމަށް ތުހުމަތު ކުރެވޭ ޒަޔަނިސްޓު ޔަހޫދީ ޓެރަރިސްޓުންނާ 4 ގައުމެއްގައި ސުއާލު ކުރެވިފައިވާ ކަމަށް ޒަޔަނިސްޓުންގެ މީޑިއާއިން ރިޕޯޓު ކޮށްފިއެވެ. އެ ހަތަރު ޤައުމަކީ، ދެކުނު އެފްރިކާ، ސްރީލަންކާ، ބްރެޒިލް، އަދި ފްރާންސެވެ.
އިޒްރޭލުގެ މީޑިއާއިން އާދީއްތަ ދުވަހު ރިޕޯޓްކޮށްފައިވާ ގޮތުގައި ހަނގުރާމައިގެ ޖަރީމާ ހިންގި ކަމުގެ ތުހުމަތުގައި މި 4 ގައުމުގައި މިމީހުންނާ ސުއާލު ކުރެވުނު ކަމަށެވެ.
"ސިފައިންނާ ދެކޮޅަށް ހިންގާ މި ތަހުގީގުތަކަކީ ގިނަ ދުވަސްތަކެއް ވަންދެން ކުރިއަށްދާނެ ހަގީގަތެއްގެ ފެށުމެއް" ކަމަށް ޔަހޫދުންގެ ޗެނަލް 13 އިން ބުންޏެވެ.
އިއްޔެ، އިސްރާއީލުގެ މީޑިއާގައި ރިޕޯޓްކޮށްފައިވާ ގޮތުގައި ޣައްޒާގައި ހަނގުރާމައިގެ ޖަރީމާތައް ހިންގި ކަމުގެ ތުހުމަތުގައި ބްރެޒިލްގައި ހުރި ޒަޔަނިސްޓު ޓެރަރިސްޓު ސިފައިންގެ މީހަކުވެސް ވަނީ ތަހުގީގަށް ހާޒިރުވުމަށް އަންގާފައެވެ. އަދި އެ މައްސަލާގައި ޒަޔަނިސްޓުންގެ ފޮރިން މިނިސްޓްރީ އާއި ޖަސްޓިސް މިނިސްޓްރީ ވަނީ ކަންބޮޑުވުން ބޮޑުވުން ފާޅުކޮށްފައި ކަމަށް ޗެނަލް 13ގައި ބުންޏެވެ.
