ޑޮނަލްޑް ޓްރަމްޕް، އެމެރިކާގެ 47 ވަނަ ރައީސްގެ މަގާމަށް އިސްވެ ވަޑައިގަތުމުގެ ދެ ހަފްތާ ކުރިން އިންޑިއާއަށް ކުރައްވަމުން ގެންދަވާ ދަތުރުފުޅުގައި އެމެރިކާގެ ގައުމީ ސަލާމަތާ ބެހޭ މުސްތަޝާރު ޖޭކް ސުލިވަން ވަނީ އިންޑިއާ ބޮޑުވަޒީރު ނަރެންދުރަ މޯދީއާ ބައްދަލުކުރައްވައިފަ އެވެ. އިންޑިއާ އެމެރިކާގެ ސްޓްރެޓެޖިކް ޕާޓްނަޝިޕު ވަނީ މިދިޔަ އަހަރުތަކުގައި އައު ދާއިރާތަކަށް ބަދަހިވެގެން ގޮސްފައެވެ.
ސުލިވަން ވަނީ އޭނާގެ އިންޑިއާގެ ގައުމީ ސަލާމަތާ ބެހޭ މުޝީރު އަޖިތު ޑޯވަލް އާއި އެކްސްޓާނަލް އެފެއާޒް މިނިސްޓަރު އެސް ޖައިޝަންކަރާއި ވެސް ވަކިވަކިން ބައްދަލު ކުރައްވއި މަޝްވަރާކޮށްފަ އެވެ.
އިންޑިއާގައި ބޭއްވި ބައްދަލުވުންތަކަށްފަހު، ސުލިވަން ވަނީ އިންޑިއާއާއެކު އެމެރިކާގެ ޖައްވީ ދާއިރާގެ އެއްބާރުލުން އިތުރުވާނެ ކަމަށާއި، މިސައިލް ޓެކްނޮލޮޖީ ކޮންޓްރޯލް ރެޖިމް (އެމްޓީސީއާރު) ގެ ދަށުން އެމެރިކާގެ މިސައިލް އެކްސްޕޯޓް ކޮންޓްރޯލް ސިޔާސަތުތަކަށް ބައިޑަންގެ ސަރުކާރުން ގެނަސްފައިވޥާ ބަދަލުތައް އިންޑިއާއަށް އަންގަވާފައެވެ.
