ޗާޑްގެ ރިޔާސީ ގަނޑުވަރަށް ދިން ހަމަލާއެއްގައި 18 މީހަކު މަރުވެ ހަ މީހަކު ހައްޔަރުކޮށްފައިވެއެވެ. އަދި ސިފައިންގެ މީހަކު މަރުވެ ތިން މީހަކު ޒަޚަމްވެފައިވާ ކަމަށްވެސް ސަރުކާރު މީޑިއާ ބުނެ އެވެ.
ބުދަ ދުވަހުގެ ރޭ ރިއާސީ ގަނޑުވަރަށް ހަމަލާ ދީފައިވަނީ ޗާޑްގެ ރައީސް މުހައްމަދު ޑެބީ އިޓްނޯ ގަނޑުވަރުގެ އުޅުއްވަނިކޮށެވެ. މާބޮޑު ކަމަކާ ނުލައި ހާލަތު ވަރަށް އަވަހަށް ކޮންޓްރޯލް ކުރެވުނު ކަމަށް ސަރުކާރުން ބުނެއެވެ.
ރައީސް މުހައްމަދު ޑެބީ އިޓްނޯއަށް ވެރިކަން ލިބިވަޑައިގަތީ އިންތިޚާބަކުންނެވެ. އޭނާގެ ބައްޕަ ގިނަ ދުވަހަށް ވެރިކަން ކުރެއްވި އިދްރީސް ޑެބީ އަވަހާރަވީ ބާޣީންނާ ދެކޮޅަށް ހަމަލަ ދެއްވުމަށް ހަރަކާތްތެރިވަމުން ގެންދަވަނިކޮށެވެ.
