މާފަންނު ސަހަރާގައި ހުރި ފެން ހިންދާ ޕަމްޕު ސްޓޭޝަން ވަގުތީ ގޮތުން ބޭނުންކުރެވޭ ހާލަތަށް ގެނެވިފައިވާކަމަށް ކޮންސްޓްރަކްޝަން މިނިސްޓްރީއިން ހާމަކުރައްވައިފިއެވެ.
ކޮންސްޓަރަކްޝަން މިނިސްޓަރ އަބްދުﷲ މުއްތަލިބް ވިދާޅުވީ ފެން ހިންދާ ޕަންޕަށް ގެއްލުން ލިބުނީ، މާލެ ސިޓީ ކައުންސިލުން މާފަންނު ސަހަރާގައި ކުރިއަށް ގެންދިޔަ މަސައްކަތްތަކެއްގެ ތެރެއިން، ޕަމްޕު ސްޓޭޝަނަށް ލިބިދާނެ ގެއްލުމަކަށް ސަމާލުކަން ނުދީ ކޮނުމުގެ މަސައްކަތްތައް ކުރުމުގެ ސަބަބުންނެވެ.
ކޮންސްޓްރަކްޝަން މިނިސްޓްރީގެ ބަޔާނުގައި އިތުރަށް ބުނީ މާލެ ސިޓީ ކައުންސިލުން، ފެން ޕަންޕު ހިމެނޭ ސަރަހައްދުގައި މަސައްކަތް ކުރިއަށް ގެންދިޔައީ އެ މިނިސްޓްރީއާ އެއްވެސް މަޝްވަރާއެއް ނުކޮށް ކަމަށެވެ.
ކޮންސްޓްރަކްޝަން މިނިސްޓްރީގެ ބަޔާނުގައި ވިދާޅުވީ ޕަމްޕު ސްޓޭޝަންތަކާއި ނެޓްވޯކް ޗެކުކުރުމަށްފަހު، އާރްޑީސީ އަދި ސްޓެލްކޯގެ އެހީތެރިކަމާއެކު މާފަންނު ސަހަރާގެ ޕަމްޕު ސްޓޭޝަން ވަގުތީގޮތުން ބޭނުންކުރެވޭ ހާލަތަށް ގެނެސް ޕަންޕު ރަނގަޅަށް މަސައްކަތް ކުރޭތޯ އިންސްޕެކްޓް ކުރުމުގެ މަސައްކަތް ފަށާފައިވާ ކަމަށެވެ.
