ޕާކިސްތާންގައި ދީނަށް ފުރައްސާރަ ކުމުގެ މައްސަލަތަކާ ގުޅިގެން ބަންދުކޮށްފައިވާ ކުޑަކުދިން މިނިވަން ކުރުމަށް އިންސާނީ ހައްގުތަކާ ބެހޭ އެކްޓިވިސްޓުން ގޮވާލައިފިއެވެ. އަދި އިންސާނީ ހައްގުތަކާ ބެހޭ އެކްޓިވިސްޓުން ވަނީ، މިނިވަން ތަހުގީގު ކޮމިޝަނެއް އެކުލަވާލުމަށް ސަރުކާރަށް ޑިމާންޑްކޮށްފި އެވެ.
އިސްލާމްއާބާދުގެ ނޭޝަނަލް ޕްރެސް ކްލަބްގައި ބޭއްވި ނޫސްވެރިންގެ ބައްދަލުވުމުގައި އެކްޓިވިސްޓުން ވަނީ، ކުދިންގެ މައިންބަފައިންގެ ފަރާތުން އެކަން ސަމާރުގެ ސަމާލުކަމަށް ގެނައުމަށް އެ މައްސަލަ ހުށަހަޅާފައެވެ.
އެފަރާތްތަކުން ބުނެފައި ވަނީ، ދީނީ ހަރުކަށި ޖަމާއަތަކުން މުސްލިމް އަންހެން ކުދިންނާއި ފިރިހެން ކުދިން ވަކި ޕްލޭނެއްގެ ދަށުން އޮންލައިންކޮށް ކުފުރުވާ ފަދަ ކޮންޓެންޓް ހިއްސާ ކުރުމަށް ހިތްވަރު ދެނީ ކަމަށެވެ.
މިހާތަނަށް 450 އަށް ވުރެ ގިނަ މުސްލިމް ޒުވާނުން މިފަދަ މައްސަލަތަކުގެ ޝިކާރައަކަށް ވެފައިވާ ކަމަށާއި އޭގެ ތެރޭގައި އަދިއާލާ ޖަލުގައި 150 އަށް ވުރެ ގިނަ ޒުވާނުންނާއި ލާހޯރު ކޭމްޕް އޮފީސް ޖަލާއި ކޮޓް ލަކްޕަތު ޖަލުގައި 170 އަށް ވުރެ ގިނަ ޒުވާނުން އަދި ކަރާޗީ ސެންޓްރަލް ޖަލުގައި 55 ޒުވާނުން ހިމެނޭ ކަމަށް ބުނެފައި ވެއެވެ.
