ނޮބެލްގެ އިނާމު ލިބިފައިވާ ޕާކިސްތާނުގެ މަލާލާ ޔޫސުފްޒާއީ ބުނަނީ، ޣައްޒާގައި ޒަޔަނިސްޓު ޓެރަރިސްޓުން ބައިނަލްއަގްވާމީ ގާނޫނާއި އިންސާނީ ހައްގުތަކާ ޚިލާފު އަމަލުތައް ހިންގާފައިވާ ކަމަށާއި އެކަންކަން އޭނާ ކުށްވެރި ކުރާ ކަމަށެވެ.
"އިސްރާއީލުން ވަނީ ޣައްޒާގެ މުޅި ތައުލީމީ ނިޒާމު ހަލާކުކޮށްލާފަ،" އަންހެން ކުދިންގެ ތައުލީމުގެ ހައްގަށް ވަކާލާތުކުރާ ޒުވާން އަންހެނާ ޕާކިސްތާނަށް ކުރާ ދަތުރުގައި އަންހެން ކުދިންގެ ތައުލީމާ ބެހޭ ކޮންފަރެންސްގައި ބުނެފައި ވެއެވެ.
"އެމީހުން ހުރިހާ ޔުނިވާސިޓީތަކަށް ބޮން އަޅައި، 90 ޕަސެންޓަށް ވުރެ ގިނަ ސްކޫލްތައް ހަލާކުކޮށް، ސްކޫލް އިމާރާތްތަކުގައި ހިޔާވަހިކަން ހޯދާ އާންމުންނަށް ގޮތެއްފޮތެއް ނުބަލައި ހަމަލަ ދީފައިވޭ" މަލާލާގެ ތަގުރީރުގައި އޭނާ ބުންޏެވެ.
