ދެކުނު ކޮރެއާގެ މައުޒޫލު ރައީސް ވަނީ ތަހުގީގުގައި ހަނު ހުންނެވުމަށް ނިންމަވާފައެވެ. އިއްޔެ ރޭ 9.45އާ ހަމައަށް ގެންދިޔަ ތަހުގީގު ސެޝަންގައި އޭނާ ވަނީ ޖަވާބުދާރީ ވުމަށް ދެކޮޅު ހައްދަވާފައެވެ. އަދި މިއަދު މެންދުރުފަހު ބޭއްވުމަށް ހަމަޖެހިފައިވާ ތަހުގީގު ޖަލްސާއަށްވެސް ވަޑައި ނުގަންނަވާނެ ކަމަށް އޭނާގެ ވަކީލުން ވިދާޅުވެއެވެ.
އޭގެ އިތުރުން ޝަރީއަތުގެ މަޖިލިސް ލަސްކޮށް ދިނުމަށް އެދިވަޑައިގަތުމުން އެކަން އެގޮތަށް ހަމަޖައްސައި ދެވެން ނެތް ކަމަށްވެސް ކޯޓުން ވަނީ އަންގާފައެވެ.
ދކުނު ކޮރެއާގެ މައުޒޫލު ރައީސް ޔޫން ސުކް ޔެއޯލް ހުންނެވީ ތަހުގީގީ އިދާރާގެ ބަންދުގައެވެ.
