މޯލްޑިވްސް ބްރޯޑްކާސްޓިންގ ކޮމިޝަނުން މެމްބަރުކަމުގެ މަޤާމަށް އެކޮމިޝަނުގެ ކުރީގެ މެންބަރު، އަލްއުސްތާޛާ އާމިނަތު ޞަރާޙަތު ޢިއްޒަތު އާއި ރައްޔިތުން މަޖިލީހުގެ އިހަވަންދޫ ދާއިރާގެ ކުރީގެ މެންބަރު މުޙައްމަދު އަބްދުﷲ (މުހައްމާ) އައްޔަންކުރަން ރައްޔިތުން މަޖިލީހުން ރުހުން މިއަދު ދީފިއެވެ.
ބްރޯޑް ކާސްޓިންގ ކޮމިޝަނަށް އައްޔަނު ކުރަން ރައީސް ޑޮކްޓަރ މުހައްމަދު މުއިއްޒު ފޮނުއްވި 12 ބޭފުޅުންގެ ނަންތައް މަޖިލީހުން އިންޓަވިއުކުރުމަށްފަހު މިނިވަން މުއައްސަސާތަކުގެ ކޮމިޓީގެ ރިޕޯޓު މިއަދުގެ ޖަލްސާއަށް ހުށަހެޅުމަށްފަހު ވޯޓަށް އެހުމުން ޞަރާޙަތާއި ޞަރާޙަތު ނަން ފާސްވީ 68 މެންބަރުންގެ ވޯޓުންނެވެ. މުހައްމާގެ ނަން ފާސްވީ 58 މެންބަރުންގެ ވޯޓުންނެވެ.
