ނިއުކްލިއަރ ފިޔަވައި ދުނިޔޭގައި ދެން އެންމެ ބާރަށް ގޮވާ މާއްދާ ކަމަށްވާ ސީއެލް20 ގެ ފެންވަރު މަތިކުރުމަށް ފަހު ޗައިނާ ސައިންސް ވެރިން ވަނީ އައު އީޖާދެއް ދައްކާލާފައެވެ. މި އީޖާދުގެ ސަބަބުން، ޗައިނާގައި އާންމުކޮށް ބޭނުންކުރާ ވޯހެޑްތަކުގެ ބާރުގަދަ މިންވަރު އިތުރު ވެގެންދާނެއެވެ. އަދި އަޑަށް ވުރެން ބާރަށް ދަތުރުކުރާ މިސައިލްތަކުގެ ރޭންޖްވެސް %20 އަށް އިތުރުކޮށްދޭނެ ކަމަށްވެސް ސައިންސްވެރިން ބުނެއެވެ.
ގޮވާތަކެތީގެ ރަސްގެފާނު ކަމަށް މަޝްހޫރު ސީއެލް20 އަކީ ނިއުކްލިއާ ހަތިޔާރަށް ފަހު ދެވަނައަށް ވަރުގަދައަށް ގޮއްވައިގެންދާ މާއްދާއެވެ. ޗައިނާއިން އުފެއްދި އާ ޕްރޮސެސިން މެތެޑުގެ ސަބަބުން ގޮވުން އިތުރަށް ބާރުގަދަވެ، ބޭނުން ކުރުމަށް ގެންގުޅުމުގެ ރައްކާތެރިކަން 4 ގުނައަށް ރަނގަޅު ވެގެން ދެއެވެ. އަދި މި އައު އީޖާދާއެކު ސީއެލް20 ރޮކެޓްތަކުގައިވެސް ބޭނުން ކުރެވޭނެއެވެ.
މިކަމަކީ، ޗައިނާގެ އަސްކަރީ ގާބިލްކަމަށް އިތުރުވެގެންދާނެ ކަމެކެވެ. އަދި، އެކިބާވަތުގެ ގޮވާތަކެއްޗާއި މިސައިލްތަކުގައި ހިމަނައިގެން މި މާއްދާ ބޭނުންކޮށްގެން ގޮވާތަކެތި އިތުރަށް އުފެއްދުމަށް މަގުފަހިވެގެން ދާނެ އެވެ.
މި ދިރާސާގައި ބައިވެރިވި ސައިންޓިސްޓުން ގަބޫލުކުރާ ގޮތުގައި އީ މި ދާއިރާއަށް އިންގިލާބެއް ގެނަސްދީ، ސޮލިޑް ރޮކެޓް ފިއުލް އަށް އާ ފުރުސަތުތަކެއް ހުޅުވިގެން ދާނެ ކަމެކެވެ.
