ޚިޔާލު ފާޅުކުރުމަށް އެމެރިކާގެ 170 މިލިއަން އިންސާނުން ބޭނުން ކުރާ މީސްމީޑިއާގެ ވަސީލަތްކަމަށްވާ ޓިކްޓޮކަށް ނުވަދެވޭ ގޮތަށް އެމެރިކާގައި މަނާ ކުރުމަށް އެގައުމުގެ ސުޕްރީމް ކޯޓުން މިއަދު ތާއީދު ކޮށްފިއެވެ.
ރަސްމީކޮށް، އެމރިކާގައި ޓިކްޓޮކް މަނާވާނީ، ޖެނުއަރީ 19 ވަނަ ދުވަހުން ފެށިގެންނެވެ.
އެމެރިކާގެ ބޮޑު ކޯޓުން ބުނެފައި ވަނީ، ޓިކްޓޮކް މަނާ ކުރުމަކީ ޚިޔާލު ފާޅުރުމުގެ މިނިވަންކަމަށް އަރައިގަތުމެއް ނޫން ކަމަށެވެ.
އަޤްޞާ ޠޫފާނަށް ފަހު، އެމެރިކާ ސަރުކާރާއި ޒަޔަނިސްޓުން ބޭޒާރު ކުރުމަށް މުހިންމު ވަސީލަތަކަށް ވެގެން ދިޔައީ ޓިކްޓޮކެވެ.
އެމެރިކާ މީހުން ވަނީ "ޓިކްޓޮކް ރެފިއުޖީން" ނޭ ކިޔައިގެން ގަނޑުކޮށް ޗައިނާގެ ރެޑް ނޯޓް އެޕްގައި ބައިވެރިވެފައެވެ. މިއީ އެމެރިކާގެ ޕްލޭސްޓޯރިތަކުގައި އެންމެ ކުރީގައި މިހާރު އުޅޭ އެޕެވެ. މި އެޕުން އެމެރިކާ މީހުން ޗައިނާ ރައްޔިތުންނާ ގާތްކޮށްދީ ގުޅުން ބަދަހި ކޮށްދީފައި ވެއެވެ.
