އެމެރިކާގެ ރައީސް ޑޮނަލްޑް ޓްރަމްޕް މެކްސިކޯ މީހުން ޑިޕޯޓް ކުރުމަށް ދެއްވާފައިވާ އިންޒާރަށް މެކްސިކޯގެ ރައީސް ކްލޯޑިއާ ޝެއިންބަމް ފާޑު ވިދާޅުވެއްޖެއެވެ. މެކްސިކޯ ރައީސް ވަނީ އެމެރިކާގައި ދިރިއުޅޭ މެކްސިކޯގެ ރައްޔިތުންނަށް ރައްކާތެރިކަން ދޭނެ ކަމަށް ތަކުރާރުކޮށް ވިދާޅުވެފަ އެވެ. އަދި ކަންކަމުގައި ހަމަ ބުއްދި އިސްކުރެއްވުމަށްވެސް އޭނާ ޓްރަމްޕަށް ގޮވާލެއްވިއެވެ.
ޝެއިންބަމް ފާހަގަކުރެއްވި ގޮތުގައި އެމެރިކާއަށް އިގްތިސާދީ ތަރައްގީއާއި ކުރިއެރުން ގެނައުމަށް މެކްސިކޯ އާއި ކެނެޑާގެ ދައުރު ބޭނުންވާ ކަމަށާއި ކުރިންވެސް އެކަން ހާސިލްކޮށްފައިވަނީ 2026 ވަނަ އަހަރު މުރާޖައާ ކުރުމަށް ހަމަޖެހިފައިވާ މިނިވަން ވިޔަފާރީގެ އެއްބަސްވުމުގެ ދަށުންނެވެ.
އެމެރިކާގައި ދިރިއުޅޭ ރައްޔިތުންނަށް މެކްސިކޯ ސަރުކާރުން ތާއީދު ދޭ ކަމުގެ މެސެޖެއް ފޮނުވައި، އޭނާ ވިދާޅުވީ، އެމެރިކާއިން ފޮނުވާލާ މެކްސިކޯ ރައްޔިތުންގެ އިމިގްރޭޝަން ގެ މައްސަލަތަކަށް ސަރުކާރުން ސްޕޮންސާ ކުރާ ޕްރޮގްރާމް ކަމަށްވާ "މެކްސިކޯ އެމްބްރޭސް ޔޫ" ޕްރޮގްރާމް ސަރުކާރުން ކުރިއަށް ގެންދާނެ ކަމަށެވެ.
