ޕެނަމާ ކެނަލްއާ ގުޅޭ ގޮތުން އެމެރިކާގެ ރައީސް ޑޮނަލްޑް ޓްރަމްޕް ދައްކަވާ ވާހަކަފުޅުތަކަށް ޕެނަމާގެ ރައީސް ހޯސޭ ރައުލް މޮލިނޯ ރައްދު ދެއްވައިފިއެވެ.
ޓްރަމްޕް ހުވައި ކުރެއްވުމާ ގުޅިގެން، ގައުމާ މުޚާތަބު ކުރައްވައި ވާހަކަ ދައްކަވަމުން، ޕެނަމާ ރައީސް ވިދާޅުވީ ޕެނަމާ ކެނަލް އޮންނާނީ ޕެނަމާގެ އަތުގައެވެ. އަދި އެކަން އެގޮތަށް ދެމިއޮންނާނެ ކަމަށާއި، ޕެނަމާ ކެނަލް ވަކި ފަރާތަކަށް ނުޖެހި އެގޮތަށް ބާއްވައިގެން ކެނަލްގެ މެނޭޖްމަންޓް ޕެނަމާގެ ކޮންޓްރޯލްގެ ދަށުގައި އޮންނާނެ ކަމަށެވެ.
އޭނާ އިތުރަށް ވިދާޅުވީ ދުނިޔޭގެ އެއްވެސް ގައުމަކަށް ޕެނަމާގެ ސިޔާދަތަށް ހުރަސް ނޭޅޭނެ ކަމަށާއި އެ ނެރު ކޮނުމަކީ އެތައް ޖީލެއްގެ މަސައްކަތެއް ކަމަށާއި އެއީ އެ ކެނަލް އަނބުރާ ލިބުމަކީ، ޓޮރިޖޯސް ކާޓަރ ޓްރީޓީގެ ނަތީޖާއެއް ކަމަށެވެ.
އޭނާ ވިދާޅުވީ އޭގެ ފަހުން މިއަދާ ހަމައަށް މެދުކެނޑުމެއްނެތި 25 އަހަރު ވަންދެން ޕެނަމާއަށް ޒިންމާދާރުކަމާއެކު އެ ކެނަލް މެނޭޖްކޮށް ހިންގައި ދުނިޔެއާއި އެމެރިކާގެ ވިޔަފާރިއަށް ޚިދުމަތް ކުރެވިފައިވާ ކަމަށެވެ.
