ނިއުޔޯރލް ފުލުހުން ރިޝްވަތު ނަގާކަން ސާބިތުވެގެން ތަހްގީގު ކުރަން ފަށައިފިއެވެ. އެފްބީއައި އާއި ނިއުޔޯރކް ފުލުހުން ތަހްގީގު ކުރަމުންދާ މިމައްސަލާގައި ތުހުމަތު ކުރެވެނީ މިހާރުވެސް ފޯސްގައި އުޅޭ ދެ ފުލުހަކާއި ރިޓަޔަރ ވެފައިވާ ފުލުހަކަށެވެ.
މި މީހުން ވަނީ މަގުމަތިން ޓޯކުރާ އުޅަނދުތަކުގެ ނާޖާއިޒް ވިޔަފާރިއެއްގައި ބައިވެރިވެ، މަސްތުވާތަކެތި ވިއްކުމުގައި އުޅެފައެވެ. އަދި މިތިން މީހުންގެ ތެރޭން އެކަކު ވަނީ އޭނާ ވަޒީފާގައި ހުރެގެން ހިންގާފައިވާ ޖަރީމާތަކުގެ ގިނަކަން ކިޔައިދީ ފޮނިކަނޑައި ހަދާފައެވެ.
ނިއުޔޯރކްގެ ބަންޑާރަ ނާއިބު ބުނެފައިވަނީ ތިން މުޖުރިމުންވެސް އެމީހުން ކޯށްފައިވާ ފުލުހުންގެ ހުވަޔާ ޚިލާފްވެފައިވާ ކަމަށެވެ.
މިމީހުން ވަނީ ވެހިކަލް ޓޯކުރުމުގެ މަސައްކަތް މިމީހުންގެ ރައްޓެހި ކުންފުންޏަކާ ހަވާލުކޮށްފައެވެ. އެހެންވެ، ވެހިކަލްތައް ޓޯ ކޮށްފައި ވަނީ އެމީހުންނަށް ފައިދާ ވާ ގޮތަށް ޓޯ ކުރާ ކުންފުނިން ރިޝްވަތު ލިބޭ ގޮތަށެވެ.
މީގެ އިތުރުން މަސްތުވާ ތަކެތި ވިއްކުމުގެ ވިއުގައެއް ހިނގަމުން ދިޔައީ މިމީހުން ބެލުމުގެ ދަށުން މިމީހުން އަޑީގައި ތިބެގެންނެވެ. މި ތިން މީހުން ވަނީ މި ވިއުގައަށް ސަލާމަތީ ގެރެންޓީ ދީފައެވެ.
މިތިން ފިރިހެނުންގެ ތެރޭން 44 އަހަރުގެ މީހާއަށް އުމުރުގެ ޖަލު ހުކުމެއް އަންނާނެ ކަމަށް ބެލެވެއެވެ. އަދި 34 މީހާއާއި 36 އަހަރުގެ މީހާއަށް ފަސް އަހަރުގެ ޖަލު ހުކުމެއް އަންނާނެ ކަމަށް ބެލެވެއެވެ. ހުދު ނަސްލުގެ މިތިން މީހުންނަކީ ނަސްލީ ދެކޮޅުވެރި ކަމުގެ ކުކްލަކްސް ކްލޭންއަށް ތާއީދު ކުރި ބަޔެކެވެ.
